ᐃᓚᐅᖃᑕᐅᔪᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᑲᔪᖅᑕᐅᓂᖅ ᐃᓄᓐᓄᑦ ᐃᓚᐅᖃᑕᐅᔪᓄᑦ ᐱᕙᓪᓕᐊᑎᑦᑎᓂᕐᒧᑦ ᐊᑦᑐᖅᑕᐅᔪᓂᑦ ᖃᐅᔨᓴᓂᐅᔪᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ (NIRB) ᒪᓕᑦᑐᒋᑦ ᑕᒪᒃᑭ ᓄᓇᕗᒻᒥ ᐊᖏᕈᑦ ᐊᒻᒪ ᓄᓇᕗᒻᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᒥᑦ ᖃᐅᔨᓴᓂᕐᒧᑦ ᐱᖁᔭᖅ (NuPPAA). ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐃᓐᓇᕈᖅᑎᑕᐅᑎᓪᓗᒍ, ᐊᐅᓚᑕᐅᔪᖅ ᒐᕙᒪᑐᖃᒃᑯᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥᐅᑕᓕᕆᓂᕐᒧᑦ ᑲᓇᑕᒥ (CIRNAC).

ᑮᓇᐅᔭᖃᖅᑎᑕᐅᓂᐅᔪᑦ ᐊᑐᐃᓐᓇᐅᑎᑕᐅᔪᓐᓇᖅᑐᑦ ᐃᓄᑐᐊᒡᒍᑎᓄᑦ, ᓄᓇᖃᖅᑳᖅᓯᒪᔪᓄᑦ ᑲᑐᔾᔨᖃᑎᒌᓄᑦ, ᐊᒻᒪ ᑎᒥᕈᖅᑎᑕᐅᓯᒪᔪᑦ ᑮᓇᐅᔭᓕᐅᕋᓱᐊᖏᑦᑐᑦ ᑲᑐᔾᔨᖃᑎᒌᑦ ᐃᓚᐅᖃᑕᐅᔪᒪᓂᖃᖅᑐᑦ ᖃᐅᔨᓴᓂᕐᒥᑦ. ᑮᓇᐅᔭᖃᖅᑎᑕᐅᓂᐅᔪᖅ ᐱᖃᓯᐅᔾᔨᒍᓐᓇᖅᑐᖅ ᐱᔪᓐᓇᖅᑎᑕᐅᔪᓄᑦ ᑮᓇᐅᔭᖅᑐᕈᑎᓄᑦ, ᓲᕐᓗ ᐊᐅᓪᓚᓂᕐᒧᑦ ᐊᑭᖏᑦ ᐊᒻᒪ ᐊᑭᓕᕆᐊᓖᑦ ᖃᐅᔨᒪᓂᖃᖅᑐᓄᑦ ᐃᑲᔪᖅᑕᐅᓗᓂ ᐃᓚᐅᖃᑕᐅᓂᐅᔪᖅ. ᑐᔅᓯᕋᐅᑏᑦ ᑮᓇᐅᔭᖃᖅᑎᑕᐅᓂᕐᒧᑦ ᑎᑎᕋᖅᑕᐅᔭᕆᐊᓖᑦ ᒪᓕᓐᓂᖃᕐᓗᑎ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐊᒐᐃᑦ ᐊᒻᒪ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᔅᓯᕋᐅᑏᑦ ᐱᑕᖃᖅᑎᑕᐅᔪᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥᐅᑕᓕᕆᓂᕐᒧᑦ ᑲᓇᑕᒥ (CIRNAC) ᖃᐅᓴᓂᕐᒧᑦ.

ᑮᓇᐅᔭᖃᖅᑎᑕᐅᓂᕐᒧᑦ ᕿᒥᕐᕈᔩᑦ ᑲᑎᒪᔨᕋᓛᑦ ᐃᒻᒥᑰᖅᑐᑦ ᓴᓂᐊᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐃᓱᒪᒋᔭᖃᓂᐊᖅᑐᑦ ᑐᔅᓯᕋᐅᑎᓕᒫᓂᑦ ᐊᒻᒪ ᐊᑐᓕᖁᔨᓗᑎ ᐃᓕᐅᖅᑲᐃᓗᑎ ᑮᓇᐅᔭᓂᑦ ᑐᔅᓯᕋᖅᑐᓄᑦ ᒪᓕᓐᓂᖃᖅᑐᑎᑦ ᓇᓗᓇᐃᖅᓯᒪᔪᒥᑦ ᐱᔪᓐᓇᖅᑎᑕᐅᓂᖓᓄᑦ ᐋᖅᑭᔅᓯᒪᓂᖓ. ᑲᔪᓯᓂᖃᑦᑎᐊᖅᑐᓕᒫᖅ ᑐᔅᓯᕋᖅᑐᑦ ᐊᑎᓕᐅᕆᐊᖃᓂᐊᖅᑐᑦ ᐊᖏᕈᒻᒥᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥᐅᑕᓕᕆᓂᕐᒧᑦ ᑲᓇᑕᒥ (CIRNAC), ᑮᓇᐅᔭᖅᑐᕈᑏᑦ ᐃᓚᖏᑦ ᖃᐅᔨᓴᖅᑕᐅᔪᓐᓇᖅᑐᑦ.

ᒫᓐᓇᐅᔪᒥᑦ ᑮᓇᐅᔭᖃᖅᑎᑕᐅᕕᔅᓴᐅᔪᕗᑦ:

ᑎᓯᐱᕆ 11, 2018: ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥᐅᑕᓕᕆᓂᕐᒧᑦ ᑲᓇᑕᒥ (CIRNAC) ᖃᐃᖅᑯᔨᔪᑦ ᑐᔅᓯᕋᐅᑎᓂᑦ ᐃᓄᓐᓂᑦ ᐊᒻᒪ ᑎᒥᐅᔪᓂᑦ ᐃᓚᐅᖃᑕᐅᓂᕐᒧᑦ ᑮᓇᐅᔭᖃᖅᑎᑕᐅᔪᒪᓂᕐᒧᑦ ᐃᓚᐅᖃᑕᐅᓗᑎᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᖃᐅᔨᓴᓂᕐᒧᑦ ᐹᕙᓐᓛᓐ ᓴᕕᒃᓴᕐᓯᐅᕐᑎᑦ ᑯᐊᐸᕇᓴᖓ “ᐱᓕᕆᐊᖑᓕᕐᓂᖓᓄᑦ 2 ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒧᑦ ᑐᔅᓯᕋᐅᑦ”, ᑐᔅᓯᕌᖑᔪᖅ ᐊᓯᔾᔨᖅᑕᐅᓂᖓᓄᖅ ᐊᖏᖅᑕᐅᓯᒪᔪᒧᑦ ᓄᓘᔭᕐᓂ ᓴᕕᒃᓴᕐᓂᐊᕐᕕᒃ (ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᕋᖅᓯᒪᔪᑦ ᓈᓴᐅᑎᖓ 08MN053). ᑐᔅᓯᕋᐅᑏᑦ ᑮᓇᐅᔭᖃᖅᑎᑕᐅᓂᕐᒧᑦ ᑎᑎᕋᖅᑕᐅᔭᕆᐊᓖᑦ ᒪᓕᓐᓂᖃᕐᓗᑎ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐊᒐᐃᑦ ᐊᒻᒪ ᐱᔭᐅᓗᑎᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᖄᖏᓚᐅᖅᑎᓐᓇᒍ ᔮᓐᓄᐊᕆ 11, 2019.

ᑐᑭᓯᒋᐊᕈᑏᑦ ᐱᔾᔪᑎᖃᖅᑐᑦ ᐱᓕᕆᐊᖑᓕᕐᓂᖓᓄᑦ 2 ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᒧᑦ ᑐᔅᓯᕋᐅᑦ ᓇᓂᔭᐅᔪᓐᓇᕐᒥᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐃᓄᓐᓄᑦ ᐊᑎᓕᐅᕐᕕᖓᓂ ᐅᕙᓂ www.nirb.ca/project/123910.

ᑎᓯᐱᕆ XX, 2018: ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥᐅᑕᓕᕆᓂᕐᒧᑦ ᑲᓇᑕᒥ (CIRNAC) ᖃᐃᖅᑯᔨᔪᑦ ᑐᔅᓯᕋᐅᑎᓂᑦ ᐃᓗᓐᓂᑦ ᐊᒻᒪ ᑎᒥᐅᔪᓂᑦ ᕿᓂᖅᑐᓂᑦ ᐃᓚᐅᖃᓴᑕᐅᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᐃᓚᐅᖃᑕᐅᓗᑎᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᖃᐅᔨᓴᓂᕐᒧᑦ ᐊᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑕ “ᐊᕐᕕᐅᑉ ᓴᖅᐱᖓᐃ ᓄᓇᐅᑉ ᖄᖓᓂ ᐊᖏᓪᓕᒋᐊᖅᑕᐅᓂᖓᓄᑦ ᐱᓕᕆᐊᒧᑦ ᑐᔅᓯᕋᐅᑦ”, ᑐᔅᓯᕌᖑᔪᖅ ᐋᖅᑭᒋᐊᖅᑕᐅᓂᖓᓄᑦ ᐊᖏᖅᑕᐅᓯᒪᔪᖅ ᐊᐳᖅᑎᓐᓈᒥ ᒎᓗᓂ ᐅᔭᕋᓐᓂᐊᕐᕕᒃ (ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᕋᖅᓯᒪᔪᑦ ᓈᓴᐅᑎᖓ 16MN056). ᑐᔅᓯᕋᐅᑏᑦ ᑮᓇᐅᔭᖃᖅᑎᑕᐅᓂᕐᒧᑦ ᑎᑎᕋᖅᑕᐅᔭᕆᐊᓖᑦ ᒪᓕᓐᓂᖃᕐᓗᑎ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐊᒐᐃᑦ ᐊᒻᒪ ᐱᔭᐅᓗᑎᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᖄᖏᓚᐅᖅᑎᓐᓇᒍ ᔮᓐᓄᐊᕆ XX, 2019.

ᑐᑭᓯᒋᐊᕈᑏᑦ ᐱᔾᔪᑎᖃᖅᑐᑦ ᐊᕐᕕᐅᑉ ᓴᖅᐱᖓᐃ ᓄᓇᐅᑉ ᖄᖓᓂ ᐊᖏᓪᓕᒋᐊᖅᑕᐅᓂᖓᓄᑦ ᐱᓕᕆᐊᒧᑦ ᑐᔅᓯᕋᐅᑦ ᓇᓂᔭᐅᔪᓐᓇᕐᒥᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐃᓄᓐᓄᑦ ᐊᑎᓕᐅᕐᕕᖓᓂ ᐅᕙᓂ www.nirb.ca/project/125418.

ᑐᓂᓯᓂᖅ ᐱᔭᕇᖅᓯᒪᔪᒥᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᔅᓯᖃᐅᑎᓂᑦ:

ᑐᔅᓯᕋᐅᑏᑦ ᑮᓇᐅᔭᖃᖅᑎᑕᐅᓂᕐᒧᑦ ᑎᑎᕋᖅᑕᐅᔭᕆᐊᓖᑦ ᒪᓕᓐᓂᖃᕐᓗᑎ ᐃᓚᐅᖃᑕᐅᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑐᐊᒐᐃᑦ ᐱᑕᖃᖅᑎᑕᐅᔪᑦ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪ ᐅᑭᐅᑕᖅᑐᒥᐅᑕᓕᕆᓂᕐᒧᑦ ᑲᓇᑕᒥ ᐊᒻᒪ ᐱᔭᓯᒪᓗᑎ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ (NIRB) ᐃᓱᓕᔾᕕᔅᓴᖓᓂ ᐅᖃᖅᓯᒪᔪᑦ ᐃᓚᐅᖃᑕᐅᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᓴᖅᑎᑦᑎᒍᑎᒥᑦ. ᐱᔭᕇᖅᓯᒪᖏᑦᑐᑦ ᑐᔅᓯ?ᐅᑏᑦ ᐃᓱᒪᒋᔭᐅᔾᔮᖏᑦᑐᑦ.

ᐃᓚᐅᖃᑕᐅᓂᕐᒧᑦ ᑮᓇᐅᔭᖃᖅᑎᑕᐅᓂᕐᒧᑦ ᑐᔅᓯᕋᐅᑏᑦ ᑐᓂᔭᐅᔪᓐᓇᖅᑐᑦ ᑕᕝᕗᖓᑦᑕᐅᑎᒋ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᖅᑲᑐᐃᓐᓇᒃᑯᑦ, ᓱᑲᔪᒃᑯᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ:

ᑐᕌᖅᑐᖅ: Environmental Administration
(ᐊᕙᑎᓕᕆᓂᕐᒧᑦ ᐊᐅᓚᑦᑎᓂᕐᒧᑦ)
Nunavut Impact Review Board
(ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ)
29 Mitik St., P.O. Box 1235
Cambridge Bay, NU X0B 0C0
ᓱᒃᑲᔪᒃᑯᑦ: (867) 983-2594
ᐃᕐᖐᓇᑕᕈᑎᖓ: info@nirb.ca