ᑲᑎᒪᔨᖏᓐᓂ ᐃᓚᐅᔪᑦ


ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ
ᐃᖃᓇᐃᔭᖅᑎᖏᑕ ᐋᕿᒃᓯᒪᓂᖓ (ᒫᑦᔅ 2014)

ᐊᕙᑎᓕᕆᔨᒃᑯᑦ ᑲᑎᒪᔨᖃᖅᐳᑦ 9ᓂᒃ, ᑎᒃᑯᐊᖅᑕᐅᓯᒪᑉᓗᑎᒃ ᑲᓇᑕᐅᑉ ᒐᕙᒪᖏᓐᓄᑦ ᐊᒻᒪ ᓄᓇᕘᒻᒥ ᒐᕙᒪᒃᑯᓐᓄᑦ ᓂᕈᐊᖅᑕᐅᓯᒪᔪᑦ ᑲᓇᑕᐅᑉ ᐊᒻᒪ ᓄᓇᕘᒻᒥ ᒐᕙᒪᒃᑯᓐᓄᑦ, ᐃᓄᐃᑦ

  • ᐃᒃᓯᕙᐅᑕᖅ ᑎᒃᑯᐊᖅᑕᐅᓯᒪᔪᖅ ᑲᓇᑕᐅᑉ ᒐᕙᒪᖏᓐᓄᑦ ᐅᖃᖃᑎᖃᓚᐅᕐᓗᑎᒃ ᓄᓇᕘᒻᒥ ᒐᕙᒪᒃᑯᓐᓂᒃ, ᓂᕈᐊᖅᑕᐅᓯᒪᑉᓗᓂ ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ
  • 4 ᑲᑎᒪᔨᑦ ᑎᒃᑯᐊᖅᑕᐅᓯᒪᔪᑦ ᑲᓇᑕᐅᑉ ᒐᕙᒪᖏᓐᓄᑦ, ᓂᕈᐊᖅᑕᐅᓯᒪᑉᓗᑎᒃ ᓄᓇᕘᒻᒥ ᑐᖓᕕᒃᑯᓐᓄᑦ. ᑐᖓᕕᒃᑯᑦ ᑲᑎᖅᓱᐃᓚᐅᖅᐳᑦ ᐊᑎᕐᓂᒃ ᐱᖓᓱᓐᓂᒃ ᐊᕕᒃᑐᖅᓯᒪᔪᓐᓂ ᐃᓄᐃᑦ ᑎᒥᖁᑎᖏᓐᓂᑦ
  • 2 ᑲᑎᒪᔩᒃ ᑎᒃᑯᐊᖅᑕᐅᓯᒪᔪᒃ ᓄᓇᕘᒻᒥ ᒐᕙᒪᒃᑯᓐᓄᑦ
  • 2 ᑲᑎᒪᔩᒃ ᑎᒃᑯᐊᖅᑕᐅᓯᒪᔪᒃ ᑲᓇᑕᐅᑉ ᒐᕙᒪᖏᓐᓄᑦ
  • 2 ᑲᑎᒪᔨᐅᓇᔭᖅᑐᒃ ᐊᔪᖅᑐᖃᕋᔭᕐᓂᖅᐸᑦ ᑎᒃᑯᐊᖅᑕᐅᓯᒪᔪᒃ ᑲᓇᑕᐅᑉ ᒐᕙᒪᖏᓐᓄᑦ ᓂᕈᐊᖅᑕᐅᑉᓗᑎᒃ ᒪᑭᕕᒃ ᑯᐊᐳᕇᓴᓐᑯᓐᓄᑦ, ᐃᓄᐃᑦ ᑎᒥᖁᑎᖏᓐᓄᑦ ᓄᓇᕕᖕᒥ (ᑯᐃᐱᒃ ᑕᕋᖓᓐᓂ). ᑕᑉᑯᐊᒃ ᑲᑎᒪᔩᒃ ᐃᓇᖏᖅᓂᒃᑕᕐᓗᑎᒃ ᓄᓇᕘᒻᒥᑦ ᑎᒃᑯᐊᖅᑕᐅᓯᒪᔪᖕᓂᒃ ᑐᖓᕕᒃᑯᓐᓄᑦ, ᖃᐅᔨᓴᕐᓂᖅᑕᖃᓕᕌᖓᑦ “ᓄᓇᐅᔪᓐᓂ ᐱᔫᒥᒋᔭᐅᔪᓐᓂ” ᑎᑎᕋᖅᓯᒪᑎᓪᓗᒍ ᓄᓇᕘᒻᒥ ᐊᖏᕈᑎᖓᓐᓂ ᓇᖕᒥᓂᖅᑖᕐᓂᐅᑉ

ᑎᒃᑯᐊᖅᑕᐅᓯᒪᔪᑦ ᑲᑎᒪᔨᑦ ᐅᑭᐅᓐᓂᒃ ᐱᖓᓱᓐᓂᒃ ᑲᑎᒪᔨᐅᕙᖕᓂᐊᖅᑐᑦ ᑭᖑᓂᖓᓐᓂ ᐊᓯᐊᓂᒃ ᑎᒃᑯᐊᖅᑕᐅᔪᖃᓕᕐᓗᓐᓂ.

ᐊᕙᑎᓕᕆᔨᒃᑯᑦ ᐃᓱᒪᓕᐊᓗᒃᑖᖏᑦ ᓂᕈᐊᕐᓂᑯᑦ ᐃᓱᒪᓕᐊᕆᔭᐅᕙᒃᐳᑦ ᐊᒥᓲᓂᖅᓴᑦ ᓵᓚᒃᓴᖅᐸᒃᖢᑎᒃ ᑲᑎᒪᔨᐅᔪᑦ ᓂᕈᐊᕐᖢᑎᒃ (ᑕᓪᓕᒪᑦ ᑲᑎᒪᔨᑦ ᓈᒻᒪᒃᓴᖅᐸᑕ). ᑲᑎᒪᔨᐅᔪᓗᒃᑖᑦ ᓂᕈᐊᕈᖕᓇᖅᑐᑦ, ᑭᓯᒥ ᐃᒃᓯᕙᐅᑕᖅ, ᑭᓯᐊᓂ ᐊᔨᒌᒃᑐᖃᖅᐸᑦ ᓂᕈᐊᕈᖕᓇᖅᑐᖅ ᓯᖁᒥᑦᓯᓗᓐᓂ. ᑲᑎᒪᔨᐅᔪᑦ 9ᖑᑉᓗᑎᒃ ᐊᔨᐅᖏᑦᑐᒥᒃ ᐃᖕᒥᖕᓄᑦ ᐃᓱᒪᓕᐅᕈᓯᖃᖅᑐᑦ. ᒐᕙᒪᓂᒃ ᐃᑲᔪᖅᑎᖃᖅᐸᑲᓗᐊᕐᖢᑎᒃ ᐊᒻᒪ ᐃᓄᐃᑦ ᑎᒥᖁᑎᖏᓐᓂᒃ, ᑲᑎᒪᔨᑦ ᐃᓱᒪᓕᐅᖅᐸᒃᑐᑦ ᓄᓇᕘᒻᒥᐅᑦ ᐃᓱᒪᒋᑉᓗᒋᑦ (ᐃᓄᓗᒃᑖᑦ ᓄᓇᕘᒻᒥᐅᑦ) ᐊᒻᒪ ᑲᓇᑕᒥᐅᓗᒃᑖᑦ, ᑎᓕᔭᐅᓯᒪᒐᒥᐅᖏᑐᖅ ᑎᒥᖑᖅᑎᑕᐅᓯᒪᓂᒃᑯᑦ.

 

 

 


ᐃᓕᓴᐱ ᑰᑉᓚᓐ — ᐃᒃᓯᕙᐅᑕᖅ

(ᑲᓇᑕᐅᑉ ᐃᓄᓕᕆᔨᖏᓄᑦ ᑎᒃᑯᐊᖅᑕᐅᔪᖅ ᓂᕈᐊᒐᐅᑉᓗᓂ ᐊᕙᑎᓕᕆᔨᒃᑯᓐᓄᑦ)
ᐃᓱᓕᑉᕕᖓ: ᓄᕕᒻᐱᕆ 25, 2015
ᓄᓇᓕᖓ: ᐊᕐᕕᐊᑦ, ᓄᓇᕘᒻᒥ
ᐃᓕᓴᑉᐱ ᑲᑎᒪᔨᐅᓕᖅᑐᖅ ᐊᕙᑎᓕᕆᔨᒃᑯᓐᓂ ᐅᑭᐅᑦ 10 ᐅᖓᑖᓐᓂ, ᐃᒃᓯᕙᐅᑕᐅᑉᓗᓂ ᐅᑭᐅᓐᓂ ᐊᒥᓲᓗᐊᖏᑐᓂᒃ ᑭᖑᓪᓕᕐᓂ. ᑲᑎᒪᔨᐅᓯᒪᖕᒥᔪᖅ ᐸᕐᓇᐃᔨᒃᑯᓐᓂ, ᓄᓇᓕᖕᒥᓂᒡᓗ ᑭᖓᖅᑐᖅᓯᒪᑉᓗᓂ ᐃᖃᖅᑐᐃᔨᐅᓂᒃᑯᑦ ᐊᒻᒪ ᐱᕙᓪᓕᐊᑎᑦᓯᔨᐅᓚᐅᖅᓯᒪᑉᓗᓐᓂ. ᐃᓕᓴᑉᐱ ᐃᓅᓚᐅᖅᓯᒪᔪᖅ ᐱᕈᖅᓴᑉᓗᓂᓗ ᐊᕐᕕᐊᒻᒥ, ᓈᓚᐅᓯᕆᔨᐅᓚᐅᖅᓯᒪᑉᓗᓂ, ᐊᒻᒪ ᕼᐋᒻᓚᑯᓐᓂ ᑲᑎᒪᔨᐅᓯᒪᑉᓗᓐᓂ. ᐃᓕᓴᑉᐱ ᐃᓕᓐᓂᐊᓚᐅᖅᑐᖅ ᐊᒻᒪ ᐱᓕᕆᐊᖃᖅᖢᓂ ᑐᖁᖓᔪᓕᕆᔨᐅᓂᕐᒥᒃ ᓄᓇᕘᒻᒥ. ᖁᑦᓯᖕᓂᖅᓴᒧᑦ ᐃᓕᓂᐊᕆᐊᖅᓯᒪᔪᖅ ᕕᓂᐱᖕᒥ, ᐅᖃᔪᑉᓗᓂᓗ ᖃᑉᓗᓈᑐᑦ ᐃᓄᒃᑐᓪᓗ.
 
 
 
 

 


ᒐᐃ ᐊᓕᖁᑦ – ᑲᑎᒪᔨ

(ᑲᓇᑕᐅᑉ ᐃᓄᓕᕆᔨᖏᓄᑦ ᑎᒃᑯᐊᖅᑕᐅᔪᖅ ᓂᕈᐊᒐᐅᑉᓗᓂ ᑐᖓᕕᑯᓄᑦ ᑭᕙᓪᓕᕐᒥ ᐃᓄᐃᑦ ᑲᑐᔨᖃᑎᒌᓄᓪᓗ)
ᐃᓱᓕᑉᕕᖓ: ᒪᑦᔅ 15, 2014
ᓄᓇᓕᖓ: ᐊᕐᕕᐊᑦ, ᓄᓇᕘᒻᒥ
ᑎᑯᐊᖅᑕᐅᓚᐅᖅᑐᖅ ᒫᑦᔅ, 2011, ᒐᐃ ᐱᖓᔪᐊᓂ ᐃᒃᓯᕙᔪᖅ ᑲᑎᒪᔨᐅᓂᕐᒥ ᐊᕙᑎᓕᕆᔨᒃᑯᓐᓂ. ᐅᑭᐅᓂᒃ ᐊᒥᓱᓂᒃ ᖃᐅᔨᒪᓂᖃᖅᑐᖅ ᐊᕐᕕᐊᒻᒥ ᑭᕙᓪᓕᕐᒥᓗ ᓇᖕᒥᓂᖃᖅᑐᑦ ᑲᑎᒪᔨᖏᓐᓂ, ᒪᐃᔫᓯᒪᑉᓗᓂ ᐊᕐᕕᐊᓐᒥ, ᑲᑎᒪᔨᐅᓯᒪᑉᓗᓂᓗ ᐊᔨᒋᖏᑐᓂ ᑎᒥᐅᔪᓐᓂ. ᑲᒥᓯᓇᐅᓚᐅᑉᓗᓂ ᓄᓇᕘᒻᒥ ᐊᑐᓕᖅᑎᑦᓯᔨᑦ ᑲᒥᓴᓐᖓᓐᓂ, ᐊᒻᒪ ᓇᖕᒥᓂᕆᔭᐅᔪᓄᑦ ᐊᖓᔪᖄᖑᓯᒪᑉᓗᓂ. ᐃᓅᓯᓗᒃᑖᒻᒥᓂ ᐊᕐᕕᐊᕐᒥᐅᑕᐅᔪᖅ. ᐅᖃᔪᔪᖅ ᑲᑉᓗᓈᑐᑦ ᐃᓄᒃᑐᓪᓗ.
 
 
 
 

 


ᒫᔪᕆ ᖃᕕᖅ ᑲᓗᕋᖅ – ᑲᑎᒪᔨ

(ᑎᒃᑯᐊᖅᑕᐅᔪᖅ ᓄᓇᕗ ᒐᕙᒪᖏᓐᓄᑦ)
ᐃᓱᓕᑉᕕᖓ: ᕕᑉᕈᐊᕆ 8, 2014
ᓄᓇᓕᖓ: ᐃᖃᓗᐃᑦ, ᓄᓇᕗᒻᒥ
ᖃᕕᖅ ᐃᓚᐅᓕᖅᑐᖅ ᐊᕙᑎᓕᕆᔨᓄᑦ ᕕᑉᕈᐊᕆ 2012ᒥ. ᖃᒪᓂᑐᐊᕐᒥᐅᑕᖅ, ᑭᓯᐊᓂ ᐃᖃᓗᖕᓂ ᓄᓇᖃᓕᖅᑐᖅ ᐃᓕᓐᓂᐊᖅᑎᑦᓯᔨᐅᑉᓗᓂ ᓯᓚᑦᑐᖅᓴᕐᕕᖕᒥ. ᐃᓕᓂᐊᒐᓂᒃᓯᒪᔪᖅ ᓱᓇᒥᐊᑦ ᐋᕿᐅᒪᓂᖏᓐᓂᒃ ᖃᐅᔨᓴᕐᓂᕐᒥᒃ ᐃᓕᑕᕆᔭᐅᑉᓗᓂ ᐊᕙᑎᓕᕆᓂᕐᒥᒃ ᑐᕆᓐᑦ ᓯᓚᑦᑐᖅᓴᕐᕕᖓᓂ ᐲᑕᐳᕉᒻᒥ. ᐊᑭᓕᖅᑐᒐᐅᖏᖢᓂ ᐊᒥᓱᓂᒃ ᐱᓕᕆᐊᕐᓂᒃ ᐃᑲᔪᖅᓯᒪᔪᖅ ᐲᑕᐳᕉᒻᒥ ᓄᓇᕘᒻᒥᓗ ᐃᓚᐅᓚᐅᕐᖢᓂᓗ Circle K Trent, ᐃᓚᒋᔭᐅᔪᖅ ᑭᕚᓂᔅ ᓯᓚᕐᔪᐊᓗᕐᑖᒻᒥ, ᖃᕕᖅ ᖃᑉᓗᓈᑐᑦ ᐃᓄᒃᑐᓪᓗ ᐅᖃᓱᖅᑐᖅ.
 
 
 
 

 


ᕕᓕᑉ ᑳᑦᓚᓐ – ᑲᑎᒪᔨ

(ᑎᒃᑯᐊᖅᑕᐅᔪᖅ ᓄᓇᕗ ᒐᕙᒪᖏᓐᓄᑦ)
ᐃᓱᓕᑉᕕᖓ: ᐄᐳᕈ 6, 2016
ᓄᓇᓕᖓ: Kugluktuk, NU
ᕕᓕᑉ ᐃᓅᓚᐅᖅᑐᖅ ᐅᒥᖕᒪᒃᑑᒻᒥ ᐱᕈᖅᓴᑉᓗᓂ ᐲ ᓴᐃᒻᒧᒻᒥ. ᐃᓚᐅᓕᕐᖢᓂ ᐊᕙᑎᓕᕆᔨᓄᑦ 2009ᒥ. ᐃᒃᓯᕙᐅᑕᐅᓚᐅᖅᑐᖅ ᐅᒥᖕᒪᒃᑑᒻᒥ ᖁᕐᓗᖅᑑᒻᒥᓗ ᐊᖑᓇᓱᒃᑎᑦ ᑲᑎᒪᔨᖏᓐᓄᑦ. ᖁᑉᓗᖅᑑᒻᒥ ᒪᓐᓇ ᓄᓇᖃᖅᑐᖅ, ᐃᓚᐅᑉᓗᓂ ᓄᓇᓕᖕᒥ ᐊᖑᓇᓱᖕᓂᑯᑦ, ᐊᒻᒪ ᕿᓂᖅᑎᓂ ᐃᓚᐅᑉᓗᓂ. ᖃᐅᔨᒪᔨᐅᑉᓗᓂᓗ ᓄᓇᒧᓕᐊᕐᓂᐊᖅᑐᓄᑦ. ᐅᖃᖁᖕᓇᖅᑐᖅ ᖃᑉᓗᓈᑐᑦ ᐃᓄᐃᓐᓇᖅᑐᓪᓗ.
 
 
 
 

 


Glenn McLeanᒋᓕᓐ ᒪᒃᓖᓐ – ᑲᑎᒪᔨ

(ᑲᓇᑕᐅᑉ ᐃᓄᓕᕆᔨᖏᓄᑦ)
ᐃᓱᓕᑉᕕᖓ: ᒫᑦᔅ 18, 2015
ᓄᓇᓕᖓ: ᖃᒪᓂᑐᐊᕐᒥ, ᓄᓇᕗᒻᒥ
ᒋᓕᓐ ᑎᑯᐊᖅᑕᐅᓚᐅᖅᑐᖅ ᐊᕙᑎᓕᕆᔨᓄᑦ ᒫᑦᔅ 2013ᒥ. ᐃᓚᐅᓚᐅᕐᑐᖅ ᓄᓇᕘᒻᒥ ᑲᑎᒪᔨᐅᑉᓗᓂ 1999ᒥᑦ 2004ᒧᑦ. ᓄᓇᖃᖅᑐᖅ ᑲᒪᓂᑐᐊᕐᒥ ᓇᖕᒥᓂᖃᖅᑐᖅ ᓂᐅᕕᕐᕕᐊᓛᒻᒥᒃ ᐊᒻᒪ ᕼᐊᒻᓚᓂ ᑲᑎᒪᔨᐅᓯᒪᑉᓗᓂ ᐊᒻᒪ ᑯᓪᓕᖅ ᖃᐅᒪᖁᑎᓕᕆᔨᓄᑦ ᑲᑎᒪᔨᐅᓯᒪᑉᓗᓂ. ᖃᑉᓗᓈᑐᑦ ᐅᖃᓱᖅᑐᖅ.
 
 
 
 

 


ᐃᓄᖃᖏᑐᖅ – ᑲᑎᒪᔨ

(ᑲᓇᑕᐅᑉ ᐃᓄᓕᕆᔨᖏᓄᑦ ᑎᒃᑯᐊᖅᑕᐅᔪᖅ ᓂᕈᐊᒐᐅᑉᓗᓂ)
ᐃᓱᓕᑉᕕᖓ:
ᓄᓇᓕᖓ: