ᐃᖃᓇᐃᔮᒃᓴᑦ


ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ ᐃᖃᓇᐃᔭᖅᑎᖏᑕ ᐋᕿᒃᓯᒪᓂᖓ (ᒫᑦᔅ 2014)

ᐃᖃᓇᐃᔮᒃᓴᑦ

ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᖑᑎᓯᒪᔪᓂᒃ ᑎᑎᕋᖅᓯᒪᔭᖃᖅᐳᑦ ᐃᖃᓇᐃᔭᖅᑎᖏᑕ ᐱᓕᕆᐊᕆᕙᒃᑕᖏᓐᓂᒃ. ᑎᑎᕋᖅᓯᒪᔪᑦ ᐅᓂᑉᑳᖅᓯᒪᔪᑦ ᓱᓇᒧᑦ ᐃᖃᓇᐃᔮᒃᓴᖅ ᓴᕿᑎᑕᐅᓯᒪᖕᒪᖔᑦ, ᓱᓇᓂᒃ ᐃᖃᓇᐃᔭᕆᐊᖃᕐᒪᖔᑦ, ᐊᒻᒪ ᐊᔪᖏᓂᕆᔭᕆᐊᖃᖅᑕᖏᑦ ᓱᓇᐅᖕᒪᖔᑖ.

ᐊᕙᑎᓕᕆᔨᒃᑯᑦ ᐃᓕᑕᖅᓯᓯᒪᔪᑦ ᐃᖃᓇᐃᔭᖅᑎᖏᑦ ᐊᑐᕐᓂᖃᕐᒪᑕ ᑲᔪᓯᑎᑦᓯᓂᕐᒥᒃ ᐊᕙᑎᓕᕆᔨᒃᑯᑦ ᐱᓕᕆᐊᕆᔪᒪᓯᒪᔭᖏᓐᓂᒃ. ᐃᖃᓇᐃᔭᖅᑎᖏᑦ ᑐᓂᔭᐅᓯᒪᕗᑦ ᐊᑐᕈᖕᓇᕐᓂᕐᒥᒃ ᐃᖃᓇᐃᔮᕐᒥᖕᓂ ᖁᕕᐊᒋᔭᖃᕐᓗᑎᒃ, ᐱᕈᖅᐸᓕᐊᓗᑎᒃ, ᐊᒻᒪ ᓯᕗᓂᕐᒧᑦ ᑲᔪᓯᖁᔭᐅᑉᓗᑎᒃ ᐃᖃᓇᐃᔮᒥᑎᒍᑦ. ᐃᓱᒪᓯᒪᔪᑦ ᐃᓕᓐᓂᐊᖅᑐᑦ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒥᒃ ᐃᑲᔪᖅᑐᒐᐅᕗᑦ ᐊᕙᑎᓕᕆᔨᒃᑯᓐᓂᒃ ᖃᐅᔨᒋᐊᖁᔭᐅᑉᓗᑎᒃ ᐱᑕᖃᕋᔭᕐᓂᖓᓐᓂᒃ ᐊᐅᔭᒻᒥ ᐃᖃᓇᐃᔮᒃᓴᒥᒃ, ᐃᓕᓐᓂᐊᕐᓗᓂ ᐃᖃᓇᐃᔭᕐᓂᖕᒥᒃ, ᐊᒻᒪ ᐃᑲᔪᖅᑕᐅᓗᓐᓂ ᖃᐅᔨᒪᓂᖅᓴᒧᑦ ᐃᖃᓇᐃᔭᕐᓂᕐᒥᒃ.

 

ᐊᐅᔭᒻᒥ ᐃᓕᓐᓂᐊᖅᑎᑦ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᑐᓴᖅᐸᓕᐊᑎᑦᓯᓂᕐᒧᑦ, ᐊᐅᔭᒻᒥ ᐃᓕᓐᓂᐊᖅᑐᑦ ᐃᖃᓇᐃᔭᖅᑎᑕᐅᔪᑦ ᐱᓕᕆᐊᒃᓴᖃᖅᐳᑦ ᑎᑎᕋᕐᕕᐅᑉ ᐃᓗᐊᓐᓂ ᐃᑲᔪᖅᑎᐅᓗᑎᒃ ᖃᓄᐃᓕᐅᕈᑎᓕᕆᔨᓄᑦ, ᐊᓯᖏᓐᓂᒡᓗ ᐱᓕᕆᐊᒃᓴᖃᖅᑎᑕᐅᓗᑎᒃ ᑐᓂᔭᐅᓯᒪᔪᓂᒃ.

ᑎᑎᕋᖅᑎ /ᐅᖃᓘᒻᒥᒃ ᑭᐅᔨ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᑮᓇᐅᔭᓕᕆᔨᓐᓂ ᑎᑎᕋᕐᕕᐅᑉᓗ ᐃᓗᐊᓐᓂ ᐱᓕᕆᑉᕕᖕᒥ, ᑎᑎᕋᖅᑎ ᐅᖃᓘᑎᓂᒃ ᑭᐅᔨ ᐱᓕᕆᐊᒃᓴᖃᖅᐳᖅ ᑎᑎᕋᕐᕕᐅᑉ ᐃᓗᐊᓐᓂ ᐱᔭᕆᐊᓕᖕᓂᒃ ᐃᓱᒪᑕᕐᒥᒡᓗ ᐃᑲᔪᖅᑎᐅᓗᓐᓂ.

ᐃᑲᔪᖅᑎᑦ ᖃᓄᐃᓕᐅᕈᑎᒃᓴᓄᑦ ᐃᓱᒪᓕᐅᖅᑎ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᐃᑲᔪᖅᑎᐅᓐᓂᐊᖅᑐᖅ ᐊᕙᑎᐅᑉ ᖃᐅᔨᓴᖅᑕᐅᓂᖏᓐᓂᒃ ᐱᓕᕆᐊᖑᓱᐊᖅᑐᓄᑦ ᓄᓇᕘᒻᒥ ᐊᖏᕈᑎᖓᑕ ᐃᓗᐊᓂᓯᐅᖅᑐᓂᒃ, ᐊᒻᒪ ᐱᓕᕆᐊᖑᔪᑦ ᖃᐅᔨᓴᖅᑕᐅᓂᖏᓐᓂᒃ ᐋᕿᒃᑕᐅᓯᒪᔪᓂᒃ ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑕ ᐱᓕᕆᔪᖕᓇᐅᑎᑦ ᐊᔪᖏᔪᑎᖏᓐᓂᑦ ᐊᒻᒪᓗ ᐃᓱᒪᓕᐅᕈᑕᐅᔪᑦ ᐊᕙᑎᓕᕆᔨᒃᑯᓐᓂᑦ.

ᐊᕙᑎᓕᕆᓂᕐᒧᑦ ᑎᑎᕋᖅᑎ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᐃᑲᔪᖅᑎᐅᓂᐊᖅᑐᖅ ᐱᓕᕆᐊᕐᖃᕐᓗᓂ ᑐᒃᓯᕋᐅᑎᓂᒃ, ᑐᓴᕈᒪᔪᓄᓪᓗ ᑐᓴᕆᐊᕐᕕᐅᓗᓂ ᑐᑭᓯᔪᑎᒃᓴᓂᒃ ᑐᓴᖅᑎᑦᓯᕙᒡᓗᓂ, ᑐᓴᒐᒃᓴᓂᒃ ᒥᐊᓂᖅᓯᓗᓂ ᐊᕙᑎᒧᑦ ᖃᐅᔨᓴᕐᓂᕐᒧᑦ.

ᐃᓱᒪᑕᖅ ᑮᓇᐅᔭᓕᕆᔨ
ᑭᓇᐅᔭᓕᕆᔨᑦ ᐃᓱᒪᑕᖓᓐᓂᒃ ᒥᐊᓂᖅᓯᔨᖃᕐᓗᓂ, ᐅᑉᓗᑕᒫᑦ ᑭᓇᐅᔭᓕᕆᓂᕐᒥᒃ ᐱᓕᕆᐊᖃᕐᓗᓂ, ᐃᖃᓇᐃᔭᖅᑎᓂᒃ ᐊᒻᒪ ᑎᑎᕋᕐᕕᐅᑉ ᐃᓗᐊᓐᓂ ᐱᓕᕆᐊᖑᔭᕆᐊᓕᖕᓂᒃ, ᐊᕙᑎᓕᕆᔨᒃᑯᓐᓄᑦ.

ᓄᓇᖑᐊᓕᕆᔨ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᓄᓇᖑᐊᓕᕆᔨ ᓴᓇᕙᒡᓗᓂ ᒥᐊᓂᖅᓯᓗᓂᓗ ᐊᕙᑎᓕᕆᔨᒃᑯᑦ ᓄᓇᖑᐊᓕᕆᑦᔪᑎᖓᓐᓂᒃ, ᖃᕆᑕᐅᔭᒻᒧᑦ ᐃᓕᓯᒪᔪᓂᒃ ᐊᒻᒪ ᓄᓇᖑᐊᕐᓂᒃ ᐊᕙᑎᐅᑉ ᖃᐅᔨᓴᖅᑕᐅᓂᖓᓐᓄᑦ ᑐᕌᖓᔪᓐᓂᒃ. ᓄᓇᖑᐊ ᐊᒃᑐᐃᓂᖏᓐᓄᑦ ᖃᐅᔨᓴᖅᑕᐅᓂᕐᒧᑦ.

Iᐅᖃᖅᑎ ᑐᑭᓕᐅᕆᔨ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᐃᖃᓇᐃᔭᕐᓂᐊᖅᑐᖅ ᐱᓕᕆᐊᕐᖃᕐᓂᐊᖅᑐᖅ ᐃᓄᒃᑎᑐᑦ ᐃᓄᐃᓐᓇᖅᑎᑐᓪᓗ ᐅᖃᖅᑎᐅᓂᐊᕐᒥᒃ ᑐᑭᓕᐅᕆᓂᕐᒥᒡᓗ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ.

ᐃᓱᒪᑕᖅ, ᖃᓄᐃᓕᐅᕈᑎᑉᕕᖃᕐᕕᖕᒥ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᐱᓕᕆᐊᖃᕋᔭᖅᑐᖅ ᑲᕆᑕᐅᔭᒃᑰᕈᑎᓂᒃ ᐊᒻᒪ ᐃᓄᓗᒃᑖᓄᑦ ᑕᑯᔭᐅᔪᖕᓇᖅᑐᓂᒃ ᖃᕆᑕᐅᔭᒃᑯᑦ, ᐊᕙᑎᓕᕆᔨᒃᑯᑦ ᖃᐅᔨᓴᕐᓂᑯᖏᓐᓂᒃ. ᐃᓱᒪᑕᖅᓂ, ᖃᓄᐃᓕᐅᕈᓯᕆᔨᓂ, ᐱᓕᕆᐊᖃᖅᑐᖅ ᒥᐊᓂᖅᓯᓂᕐᒥᒃ ᐊᕙᑎᓕᕆᓂᕐᒧᑦ ᖃᐅᔨᓴᖅᑎᓂᒃ, ᑐᓴᖅᐸᓕᐊᔪᑎᓂᒃ ᑐᑭᓯᔪᑎᒃᓴᓂᒃ ᑐᕌᖅᑐᓂᒃ ᐊᕙᑎᐅᑉ ᖃᐅᔨᓴᖅᑕᐅᓂᖏᓐᓄᑦ ᐊᒻᒪ ᐱᓕᕆᐊᖑᔪᑦ ᐃᖏᕋᔪᑦ ᖃᐅᔨᓴᖅᑕᐅᓂᖏᓐᓂᒃ.

ᐊᐅᓚᑦᓯᔨ, ᑐᓴᕈᑎᓕᕆᑉᕕᖕᒥ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᑐᑭᒧᐊᒃᑎᑦᓯᔨ ᑐᓴᖅᑐᓕᕆᔨᓄᑦ ᐃᖏᕋᑎᑦᓯᓂᕐᒥᒃ ᑲᔪᓯᑎᐊᖅᑐᒥᒃ ᐊᕙᑎᓕᕆᔨᒃᑯᑦ ᖃᐅᔨᓴᕐᓂᖏᓐᓂᒃ, ᓱᓕᕆᑎᑦᓯᓂᖏᓐᓂᒃ, ᐊᒻᒪ ᐃᓱᒪᓕᐅᕈᑎᖏᓐᓂᒃ ᒐᕙᒪᒃᑯᓐᓄᑦ, ᐃᓄᐃᑦ ᑎᒥᒋᔭᖏᓐᓄᑦ, ᓄᓇᓕᖕᒥ ᑎᒥᖑᖅᑎᑕᐅᓯᒪᔪᓄᑦ, ᐃᓄᒥᐊᓄᓪᓗ.

ᖃᓄᐃᓕᐅᕈᑎᒃᓴᓄᑦ ᖃᐅᔨᒪᔨ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᖃᓄᐃᓕᐅᕈᑎᓄᑦ ᐃᓱᒪᓕᐅᖅᑎᑦ ᐊᕙᑎᓕᕆᓂᕐᒥᒃ ᖃᐅᔨᓴᕐᓂᕐᒥᒃ ᐱᓕᕆᐊᖃᖅᐳᖅ ᐊᖏᔪᓄᑦ ᐱᓕᕆᐊᖑᔪᒪᔪᓐᓄᑦ ᓄᓇᕘᒻᒥ ᐊᖏᕈᑎᑉ ᓄᓇᒧᑦ ᐃᓗᐊᓂᓯᐅᖅᑐᓂᒃ ᓄᓇᓐᓂᒃ ᐊᒻᒪ ᖃᐅᔨᓴᕐᓂᕐᒥᒃ ᐃᖏᕋᑎᑦᓯᓗᓐᓂ ᐊᕙᑎᓕᕆᔨᒃᑯᑦ ᑐᓂᓯᒪᔭᖓᓐᓄᑦ ᐱᓕᕆᓂᕐᒥᒃ ᐊᔪᖏᔪᒻᒧᑦ ᐱᓕᕆᐊᖑᓂᐊᖅᑐᖅ ᖃᐅᔨᓴᒐᐅᒐᓂᒃᓯᒪᓕᖅᑎᓪᓗᒍ.

ᐃᓱᒪᑕᖅ ᖃᐅᓗᐃᓕᐅᕈᑎᒃᓴᓄᑦ ᖃᐅᔨᒪᔨ
ᐃᓱᒪᑕᖃᕐᓗᓐᓂ ᑐᑭᒧᐊᒃᑎᑦᓯᔨᒥᒃ, ᖃᓄᐃᓕᐅᕈᑎᓕᕆᔨᓄᑦ, ᐃᓱᒪᑕᖅ ᖃᓄᐃᓕᐅᕈᑎᒃᓴᓄᒃ ᖃᐅᔨᒪᔨ, ᐊᕙᑎᓕᕆᓂᕐᒥᒃ ᖃᐅᔨᓴᕐᓂᕐᒥᒃ ᐱᓕᕆᐊᖃᖅᐳᖅ ᐊᖏᔪᓄᑦ ᐱᓕᕆᐊᖑᔪᒪᔪᓐᓄᑦ ᓄᓇᕘᒻᒥ ᐊᖏᕈᑎᑉ ᓄᓇᒧᑦ ᐃᓗᐊᓂᓯᐅᖅᑐᓂᒃ ᓄᓇᓐᓂᒃ ᐊᒻᒪ ᖃᐅᔨᓴᕐᓂᕐᒥᒃ ᐃᖏᕋᑎᑦᓯᓗᓐᓂ ᐊᕙᑎᓕᕆᔨᒃᑯᑦ ᑐᓂᓯᒪᔭᖓᓐᓄᑦ ᐱᓕᕆᓂᕐᒥᒃ ᐊᔪᖏᔪᒻᒧᑦ ᐱᓕᕆᐊᖑᓂᐊᖅᑐᖅ ᖃᐅᔨᓴᒐᐅᒐᓂᒃᓯᒪᓕᖅᑎᓪᓗᒍ. ᐃᓱᒪᑕᖅ ᐱᓕᕆᐊᖃᑲᓂᖅᐳᖅ ᐃᑲᔪᖅᑎᐅᓂᕐᒥᒃ ᑐᑭᒧᐊᒃᑎᑦᓯᔨᒧᑦ, ᖃᓄᐃᓕᐅᕈᑎᒃᓴᓂ ᐱᓕᕿᑉᕕᖕᒥ, ᐃᑲᔪᕐᓗᓂ ᖃᐅᔨᓴᕐᓂᕐᒥ ᐊᒻᒪ ᒥᐊᓂᖅᓯᓗᓂ ᐱᓕᕆᐊᒃᓴᓂᒃ ᐱᓕᕿᑉᕕᖕᒥ ᓯᐊᓛᖑᓂᖅᓴᓄᑦ ᐱᓕᕆᐊᒃᓴᔪᓂᒃ.

ᑐᑭᒧᐊᒃᑎᑦᓯᔨ, ᑮᓇᐅᔭᓕᕆᑉᕕᖕᒥ ᑎᑎᕋᕐᕕᖕᒥᓗ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᐅᔨᖅᑐᕐᓗᓂ ᐱᓕᕆᐊᒃᓴᐅᔪᑦ ᑮᓇᐅᔭᓕᕆᓂᕐᒥ, ᑎᑎᕋᕐᕕᐅᑉ ᐃᓗᐊᓐᓂ ᐱᓕᕆᐊᕐᓂᒃ, ᐊᒻᒪ ᐃᖃᓇᐃᔭᖅᑎᓂᒃ ᐱᓕᕆᐊᕐᓂᒃ ᐃᑲᔪᖅᑎᐅᓗᓐᓂ ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᒪᓕᒐᐃᑦ ᐋᕿᒃᑕᐅᓯᒪᔪᑦ, ᐱᖁᔭᐃᓪᓗ, ᑎᒥᐅᔪᒥᒡᓗ ᐃᖏᕋᑎᐊᕈᑎᑦ, ᑎᑎᖃᕐᕕᐅᑉᓗ ᐃᓗᐊᓐᓂ ᒪᓕᒐᐃᑦ, ᐊᒻᒪ ᑮᓇᐅᔭᖃᖅᑎᑦᓯᔪᑦ ᒪᓕᒐᖁᑎᖏᑦ ᐅᖃᐅᓯᕆᔭᕆᐊᓖᓪᓗ ᑮᓇᐅᔭᐃᑦ ᐊᑐᕐᓂᖏᑦ, ᑕᒪᕐᒥᒃ ᒪᓕᒡᓗᒋᑦ.

ᑐᑭᒧᐊᒃᑎᑦᓯᔨ, ᖃᓄᐃᓕᐅᕈᑎᒃᓴᖃᕐᕕᖕᒥ
ᐃᓱᒪᑕᖃᕐᓗᓐᓂ ᐃᖃᓇᐃᔭᖅᑎᑦ ᐃᓱᒪᑕᖓᓐᓂᒃ, ᓯᕗᓕᖅᑎᐅᓂᐊᖅᑐᖅ ᐊᕙᑎᐅᑉ ᖃᐅᔨᓴᖅᑕᐅᓂᖓᓐᓂᒃ ᐱᓕᕆᐊᓗᒃᑖᓐᓄᑦ ᑐᓂᔭᐅᓯᒪᔪᓄᑦ ᐊᕙᑎᓕᕆᔨᒃᑯᓐᓄᑦ ᒪᓕᒃᖢᒍ ᓄᓇᐅᑉ ᓇᖕᒥᓂᖅᑖᕆᔭᐅᓂᖓᑕ ᓄᓇᕘᒻᒥ ᐊᖏᕈᑎᑉ ᐃᓗᐊᓐᓂᓯᐅᖅᑐᓂᒃ ᑎᑎᕋᖅᓯᒪᓂᖓ 12.

ᐃᓱᒪᑕᐅᓯᕕᖕᒥ ᑐᑭᒧᐊᒃᑎᑦᓯᔨ
ᐃᓱᒪᑕᖃᕐᓗᓐᓂ ᑲᑎᒪᔨᑦ ᐃᒃᓯᕙᐅᑕᖓᓐᓂᒃ, ᐃᖃᓇᐃᔭᖅᑎᑦ ᐃᓱᒪᑕᖓᑦ ᐱᓕᕆᐊᖃᖅᐳᖅ ᓇᓕᐊᖕᓄᑦ ᓯᕗᒻᒧᐊᖕᓂᖕᒥᒃ ᑕᓯᐅᖅᑎᐅᑉᓗᓂ, ᓯᕗᓕᖅᑎᐅᓗᓐᓂ, ᐊᒻᒪ ᑲᔪᓯᔪᒻᒥᒃ ᒥᐊᓂᖅᓯᔨᐅᑉᓗᓂᓗ ᐊᐅᓚᑕᐅᔪᓗᒃᑖᓐᓂᒃ ᐊᒻᒪ ᐃᖃᓇᐃᔭᖅᑎᓂᒃ, ᐅᖃᐅᔨᔨᐅᑉᓗᓂᓗ, ᑕᓯᐅᖅᑎᐅᑉᓗᓂᓗ ᐊᒻᒪ ᖃᓄᐃᓕᐅᖁᔨᔨᐅᑉᓗᓂ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᒃ.

ᒫᓐᓇᐅᔪᖅ ᐱᓕᕆᐊᖑᔪᑦ

ᐊᕙᑎᓕᕆᔨᒃᑯᑦ ᒪᓕᒐᖃᖅᐳᑦ ᐊᔪᖏᑎᐊᖅᑐᓂᒃ ᐆᒃᑐᖁᔨᑉᓗᑎᒃ ᐃᖃᓇᐃᔮᒃᓴᓄᑦ ᐃᓄᖃᖏᑐᓄᑦ ᓴᕿᑎᑕᐅᔪᓄᓪᓗ ᐃᓛᓐᓂᑯᑦ ᐊᑐᓗᐊᖅᑕᐃᓕᓂᕐᒧᑦ ᑮᓇᐅᔭᓂᒃ. ᐊᕙᑎᓕᕆᔨᒃᑯᑦ ᓯᕗᓪᓕᐅᑎᑦᓯᕙᒃᐳᑦ ᐊᔪᖏᓂᖃᑎᐊᖅᑐᓂᒃ ᓄᓇᐅᑉ ᐊᖏᕈᑎᖓᓐᓂ ᐊᑎᓕᐅᖅᓯᒪᔪᓂᒃ, ᐊᒻᒪ ᓄᓇᕘᒥᐅᑕᐅᒃᐸᑕ ᑐᒡᓕᐊᓂ. ᐆᒃᑐᕈᒪᔪᑦ ᐃᖃᓇᐃᔮᒃᓴᓂᒃ ᐃᓱᒪᒋᔭᐅᓯᒪᒃᐸᑕ ᐃᓚᐅᓂᕐᒥᖕᓂᒃ ᐊᖏᕈᒻᒧᑦ ᐊᒻᒪ ᓄᓇᕘᒥᐅᑕᐅᒃᐸᑕ ᓇᓗᓇᐃᕆᐊᖃᖅᐳᑦ ᐆᒃᑐᕈᑎᒥᖕᓂ. ᐃᓚᐅᓂᖓ ᐊᖏᕈᒻᒧᑦ ᓄᓇᕘᒥᐅᑕᐅᓂᖓᓗ ᖃᐅᔨᒋᐊᖅᑕᐅᔪᖕᓇᖅᑐᖅ ᐊᕙᑎᓕᕆᔨᒃᑯᓐᓄᑦ ᐆᒃᑐᖅᑐᑉ ᐃᖃᓇᐃᔮᒃᓴᒻᒧᑦ.

ᐆᒃᑐᖅᑐᑦ ᐊᑎᖏᑦ, ᐊᐱᖅᓱᖅᑕᐅᔪᑦ ᐱᓕᕿᐊᒃᓴᒧᑦ, ᖃᐅᔨᓴᖅᑕᐅᓂᑯᑦ ᐊᒻᒪ ᐃᓱᒪᓕᐅᖅᑕᐅᓂᒃᑯᑦ ᐃᖃᓇᐃᔮᒃᓴᒻᒧᑦ ᐊᕙᑎᓕᕆᔨᒃᑯᓐᓄᑦ ᐸᐸᑕᐅᕙᒃᐳᑦ ᐊᕌᒍᖕᓄᑦ ᒪᖁᖕᓄᑦ. ᐊᕙᑎᓕᕆᔨᒃᑯᑦ ᑐᓂᔭᐅᔪᖕᓇᕆᕗᑦ ᖃᐅᔨᒋᐊᖅᑕᐅᓯᒪᖏᑐᓂᒃ ᐆᒃᑐᖅᑐᑉ ᐱᕈᖅᑎᕈᑎᖓᓐᓂᒃ ᐅᖃᐅᓯᖃᖅᑐᒥᒡᓗ ᐃᖃᓇᐃᔭᕈᒪᔪᒥᒃ ᓯᕗᓂᕐᒥ ᐃᓱᒪᒋᔭᐅᔪᒪᓐᓂᖅᐸᑕ ᐃᖃᓇᐃᔮᒃᓴᒻᒧᑦ ᐊᕙᑎᓕᕆᔨᒃᑯᓐᓂ.

ᐆᒃᑐᕈᑎᑦ ᑐᓂᔭᐅᔪᖕᓇᖅᑐᑦ ᐊᕙᑎᓕᕆᔨᒃᑯᓐᓄᑦ ᖃᕆᑕᐅᔭᒃᑯᑦ ᓇᒃᓯᐅᑎᓗᒋᑦ ᐅᕗᖓ ᑐᕌᕈᒻᒧᑦ: humanresources@nirb.ca