ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB ᐅᕝᕙᓘᓐᓃᑦ ᑲᑎᒪᔨᑦ) ᒫᓐᓇᐅᔪᖅ ᐋᖅᑭᒃᓱᐃᔪᑦ ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ ᕿᑭᖅᑖᓘᑉ ᐊᑯᑭᑦᑐᓪᓗ ᐊᑯᓐᓂᖓᑕ ᐃᒪᕕᖓᓂ (SEA). ᐱᔾᔪᑎᖓ ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ (SEA) ᑐᑭᓯᐅᒪᔪᒪᓪᓗᑎ ᖃᓄᐃᑦᑐᓂ ᐱᑕᖃᑐᐃᓐᓇᕆᐊᖃᕐᒪᖔᖅ ᐅᖅᓱᐊᓗᖕᓄᑦ ᐊᒻᒪᓗ ᒑᓯᓄᑦ ᑐᕌᖓᔪᑦ ᐱᓕᕆᓂᐅᒐᔭᖅᑐᑦ ᖃᖓᐅᓕᖅᐸᑦ ᑐᒃᓯᕌᖑᔪᒫᑐᐃᓐᓇᕆᐊᓕᑦ ᑲᓇᑕᐅᑉ ᐃᒪᖏᓐᓂ ᕿᑭᖅᑖᓘᑉ ᐊᑯᑭᑦᑐᓪᓗ ᐊᑯᓐᓂᖓᑕ ᐃᒪᕕᖓᓂ ᐊᒻᒪᓗ ᑕᒪᒃᑯᓄᙵ ᖁᒃᓴᓇᕈᑎᐅᔪᑦ, ᐱᕚᓪᓕᕈᑎᑦ, ᐊᒻᒪᓗ ᐊᐅᓚᑎᑦᑎᓂᕐᒧᑦ ᐱᓕᕆᒋᐊᕈᑎᒃᓴᓄᑦ. ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᕿᒥᕐᕈᓂᖃᒐᔪᓲᖑᓪᓗᑎ, ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ (SEA) ᑐᕌᒐᖃᙱᑦᑐᖅ ᑐᒃᓯᕋᐅᑕᐅᓯᒪᔪᒥ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᖑᓪᓗᓂ. ᐃᒫᖔᖅ, ᑐᕌᒐᖃᖅᑐᖅ ᐱᑕᖃᑐᐃᓐᓇᕆᐊᓕᖕᓂ ᐊᒻᒪ ᐃᓱᒪᒋᔭᐅᔪᓂ ᑕᑯᓐᓇᙳᐊᕐᓂᐅᔪᒥ ᓇᓗᓇᐃᕆᔪᓂ ᖃᓄᐃᓕᐅᕈᑕᐅᑐᐃᓐᓇᕆᐊᓕᖕᓂ ᐊᒻᒪ ᐃᓗᓕᖏᓐᓂ ᐅᖅᓱᐊᓗᖕᓄᑦ ᐊᒻᒪ ᒑᓯᓄᑦ ᐊᑐᕈᓐᓇᕐᓂᓕᒫᖏᓐᓂ ᓂᕆᐅᒋᔭᐅᓪᓚᕆᑐᐃᓐᓇᕆᐊᓕᖕᓂ ᑕᐃᒪᐃᒐᔭᕐᓂᖏᓐᓂ ᐅᖅᓱᐊᓗᖕᓄᑦ ᐊᒻᒪ ᒑᓯᓄᑦ ᐱᕙᓪᓕᐊᑎᑦᑎᓂᕐᒧᑦ ᐊᖏᖅᑕᐅᒐᔭᖅᐸ ᑖᕙᓂ ᐃᓂᐅᔪᒥ. ᑖᓐᓇ ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ (SEA) ᐱᔭᕇᖅᑕᐅᓯᒪᓕᖅᐸᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᑐᐃᓐᓇᐅᑎᑦᑎᓛᖅᑐᑦ ᐅᓂᒃᑳᓕᐊᒥᑦ ᐊᒻᒪ ᐊᑐᓕᖁᔭᒥᓂ ᑲᓇᑕᐅᑉ ᒐᕙᒪᒃᑯᖏᓐᓄ ᓯᕗᓂᒃᓴᒥ ᐃᓱᒪᓕᐅᓕᕈᑎ ᐱᓕᕆᔾᔪᓯᖏᓐᓄᑦ.

2016-ᒥ ᑲᓇᑕᐅᑉ ᒐᕙᒪᒃᑯᖏᑦ ᐃᓕᓯᓯᓚᐅᖅᑐᑦ ᒪᓕᒃᑕᐅᔪᒃᓴᒥᑦ ᓄᑖᓄᑦ ᐅᖅᑯᓱᐊᓗᖕᓄᑦ ᐊᒻᒪ ᒑᓯᓄᑦ ᖃᓄᐃᓐᓂᐅᔪᓂᑦ ᑕᒪᐃᓐᓂ ᑲᓇᑕᐅᑉ ᐃᒪᖁᑎᖏᓐᓂ ᐊᒻᒪ ᐊᖏᓚᐅᖅᑐᑦ ᕿᒥᕐᕈᔭᐅᒃᑲᓐᓂᕐᓗᓂ 2021-ᒥ. ᓄᓇᕗᑦ ᐊᕙᑎᓕᕆᓂᕐᒥ ᑲᑎᒪᔨᖏᓐᓄᑦ ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ (SEA) ᐅᓂᒃᑳᓕᐊᖓ ᐊᒻᒪ ᑐᕌᖓᖃᓯᐅᑎᔪᑦ ᐊᑐᓕᖁᔭᐅᓯᒪᔪᑦ ᑐᕌᖓᔪᑦ ᑐᓴᐅᒪᑎᑦᑎᓂᕐᒧᑦ ᑖᔅᓱᒥᖓ ᐃᓱᒪᓕᐅᕈᑎᒥ.

ᐅᓕᓐᓂᐊᒃᑲᓐᓂᓂᕐᒧᑦ ᐱᓕᕆᔾᔪᑎᓄᑦ ᐊᕙᑎᓕᕆᓂᕐᒧᑦ ᖃᐅᔨᓴᐃᓂᕐᒥ (SEA) ᐱᓕᕆᔾᔪᓯᖓᓄᑦ, ᖃᓄᕐᓗ ᐃᓚᐅᒍᓐᓇᕐᒪᖔᖅᐱᑦ, ᐱᕙᓪᓕᐊᓂᕐᒧᑦ ᑎᑎᖅᑲᖅ ᐊᑖᓃᑦᑐᖅ ᓇᕿᓪᓗᒍ:

Inuktitut SEA Newsletter