ᓴᓇᓂᖅ ᐅᖃᐅᓯᒃᓴᓂᒃ ᐊᑑᑎᖃᑦᑎᐊᖅᑐᓂᑦ

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐱᓐᓇᕈᓱᑦᑎᐊᖅᐳᑦ ᐃᓄᓕᒫᓂᒃ ᐅᖃᐅᓯᒃᓴᖏᓐᓂ ᖃᐅᔨᓴᐃᓂᕆᔭᖏᓐᓄᑦ. ᐅᑯᐊ ᐊᐱᖅᑯᑕᐅᔪᑦ ᐱᕙᓪᓕᐊᑎᑕᐅᓚᐅᖅᐳᑦ ᐱᓕᕆᖃᑎᒋᔭᑦᑎᓐᓂ ᔫᑳᓐᒥ ᐊᕙᑎᓕᕆᓂᕐᒧᑦ ᐊᒻᒪᓗ ᐃᓅᖃᑎᒌᒃᑐᓂᑦ ᑮᓇᐅᔭᓕᐅᕈᑕᐅᓇᔭᖅᑐᓂ ᖃᐅᔨᓴᐃᓂᐅᔪᓂᑦ ᑲᑎᒪᔨᓄᑦ ᐊᒻᒪᓗ ᑐᓂᓯᕗᑦ ᐃᑲᔪᕈᑕᐅᔪᓂᒃ ᒥᐊᓂᕆᓂᕐᓂ ᐱᕙᓪᓕᐊᑎᑦᑎᓂᕐᒧᑦ ᑐᑭᓯᓇᑦᑎᐊᖅᑐᓂ ᐅᖃᐅᓯᒃᓴᓂᒃ ᑐᓂᖅᑯᑕᐅᔪᓂᒃ ᖃᐅᔨᓴᐃᓂᐅᔪᓄᑦ: : 

1. ᑭᓱᓂᒃ ᐱᓐᓇᕈᓱᒃᐱᑦ ᐊᖏᕈᑕᐅᓇᓱᐊᖅᑐᖅ ᐱᓕᕆᐊᒃᓴᒧᑦ ᐃᓂᖓᓐᓂ?  
ᐱᓐᓇᕆᔭᐅᔪᑦ ᐃᓚᖃᕈᓐᓇᖅᐳᑦ ᓇᓗᓇᐃᖅᑕᐅᓯᒪᔪᓂ ᐆᒪᔪᓄᑦ ᐊᔾᔨᒌᖕᓂᖏᓐᓂ/ᐃᓄᒋᐊᖕᓂᖏᓐᓂ, ᐊᕙᑎᓕᕆᓂᕐᒧᑦ ᐃᓚᖏᓐᓂ (ᓄᓇᒥᒃ, ᓯᓚᒥᒃ, ᐃᒪᕐᒥᑦ), ᓯᓚᑖᒍᑦ ᑕᐅᑦᑐᖓᓐᓂ, ᐃᓅᖃᑎᒌᖕᓂᕐᒧᑦ/ᐃᓕᖅᑯᓯᒧᑦ ᐱᓐᓇᕆᔭᐅᔪᑦ (ᒥᑭᒋᐊᕐᓂᕐᒧᑦ, ᐃᓅᓯᕆᔭᐅᓂᐅᔪᒥᑦ), ᐊᓯᖏᓪᓗ. ᖃᓄᖅ ᐊᑐᓲᕆᕕᐅᒃ ᐅᕝᕙᓘᓐᓃᑦ           ᐱᓕᕆᖃᑎᖃᓲᖑᕕᑦ ᐃᓂᐅᔪᒥᑦ?

2. ᖃᓄᖅ ᑖᒃᑯᐊ ᐱᓐᓇᕆᔭᐅᔪᑦ ᐊᒃᑐᖅᑕᐅᔪᓐᓇᖅᐸ ᐅᕝᕙᓘᓐᓃᑦ ᐊᒃᑐᖅᑕᐅᓯᒪᕙ ᐊᖏᕈᑕᐅᓇᓱᐊᖅᑐᖅ ᐱᓕᕆᐊᒃᓴᒧᑦ, ᐊᒻᒪᓗ ᖃᓄᐃᒻᒪᑦ?  
 ᐅᓂᒃᑳᕆᓗᑎᑦ ᖃᓄᖅ ᐃᓱᒪᖕᒪᖔᖅᐱᑦ ᑖᒃᑯᐊ ᐱᓐᓇᕆᔭᐅᔪᑦ ᐊᒃᑐᖅᑕᐅᓇᔭᕐᓂᖏᓐᓂ ᐱᓕᕆᐊᒃᓴᐅᔪᖅ ᐃᖏᕐᕋᓯᒍᓂ. ᖃᓄᖅ ᐊᔾᔨᒋᙱᓐᓇᔭᖅᐸᖓ ᑕᐃᒪᐃᓐᓂᖓᓂ ᒫᓐᓇᐅᔪᒥᑦ?

3. ᐅᖃᐅᓯᒃᓴᖃᖅᐱᑦ ᖃᓄᖅ ᑖᒃᑯᐊ ᐊᒃᑐᐃᓂᐅᔪᑦ ᒥᒃᖠᒋᐊᖅᑕᐅᔪᓐᓇᕐᓂᖏᓐᓂ ᐅᕝᕙᓘᓐᓃᑦ ᓄᖑᑕᐅᔪᓐᓇᕐᓂᖏᓐᓂ?
ᐃᓚᖃᕐᓗᓂ ᐱᓕᕆᓂᐅᔪᓂᒃ ᐅᒃᐱᕆᔭᕐᓂᑦ ᒥᒃᖠᒋᐊᕈᑕᐅᔪᓐᓇᖅᑐᓂᑦ ᐱᓕᕆᐊᒃᓴᐅᑉ ᐊᒃᑐᐃᓂᖏᓐᓄᑦ, ᐊᒻᒪᓗ ᖃᓄᐃᒻᒪᑦ ᐃᓱᒪᖕᒪᖔᖅᐱᑦ ᑖᒃᑯᐊ ᐱᓕᕆᓂᐅᔪᑦ ᐱᓕᕆᑦᑎᐊᕈᓐᓇᕋᔭᕐᓂᖏᓐᓂ.

4. ᐃᓱᒫᓘᑎᒋᔭᑎᑦ ᑐᙵᕕᖃᖅᐸᑦ ᓇᖕᒥᓂᖅ ᐊᑐᖅᓯᒪᔭᕐᓂᑦ, ᖃᐅᔨᓴᕈᑕᐅᔪᓂᑦ ᓱᖏᐅᑎᓯᒪᔭᕐᓂᑦ ᐅᕝᕙᓘᓐᓃᑦ ᐅᖃᐅᓯᒃᓴᓂ ᑐᓂᔭᐅᓯᒪᔪᓂᒃ ᐃᓕᖕᓄᑦ ᐊᓯᖔᖓᓐᓂᑦ?
ᑕᒪᓐᓇ ᐃᑲᔪᖅᓱᐃᓂᐊᖅᐳᖅ ᖃᐅᔨᓴᐃᔨᐅᔪᓂᑦ ᐃᓱᒪᒃᓴᖅᓯᐅᕆᓂᕐᓄᑦ ᐅᖃᐅᓯᒃᓴᕐᓂᑦ ᐊᒻᒪᓗ ᐱᔪᓐᓇᖅᑎᑦᑎᓗᓂ ᖃᐅᔨᒋᐊᒃᑲᓐᓂᕐᓂᕐᒧᑦ ᐊᐱᖅᑯᑎᒃᓴᓂᒃ, ᐱᔭᕆᐊᖃᕈᑎᒃ.