ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᖃᑎᖃᖅᐸᒃᐳᑦ ᐊᓯᖏᓐᓂᒃ ᐊᕙᑎᒧᑦ ᖃᐅᔨᓴᕐᓂᕐᒥᒃ ᐊᒻᒪ ᓚᐃᓴᓂᒃ ᐱᓕᕆᐊᖃᖅᐸᒃᑐᓂᒃ ᑎᒥᐅᔪᓐᓂᒃ ᐱᓕᕆᐊᖃᖅᑎᑕᐅᔪᓂᒃ ᐊᔨᖏᑎᑐᑦ ᐊᕙᑎᓕᕆᔨᒃᑯᑦ ᐅᕙᓘᕙ ᓄᓇᕘᒻᒥ ᓄᓇᐅᑉ ᐊᖏᕈᑎᖓᓂ ᓄᓇᒋᔭᐅᔪᓐᓂᒃ. ᑎᐊᓐᓇᐃᑐᖃᕐᓂᖅᐸᑦ, ᐊᕙᑎᓕᕆᔨᒃᑯᑦ ᑐᑭᓯᐊᓂᕐᒧᑦ ᐊᖏᖃᑎᒌᒍᒻᒥᒃ ᐊᑐᕋᔭᖅᑐᑦ ᑕᒪᓇ ᐱᓕᕆᐊᖑᓂᐊᖅᑐᑦ ᐃᖏᕋᑎᐊᖁᑉᓗᒍ.  

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᒫᓐᓇᐅᔪᒥ ᐅᑯᓂᖓ ᑎᑎᖅᑲᓂᒃ ᑐᑭᓯᐅᒪᖃᑎᒌᒍᑎᓂᒃ (MOUs) ᐃᓕᓯᒪᔪᖃᖅᐳᑦ ᓯᓚᑖᓂ ᐱᓕᕆᔨᐅᔪᓄᑦ:

  • ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᖅᑲᓂᒃ ᑐᑭᓯᐅᒪᖃᑎᒌᒍᑎᖃᖅᐳᑦ ᓄᓇᕗᒻᒥ ᐃᒪᕐᒧᑦ ᑲᑎᒪᔨᖏᓐᓂᑦ
  • ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᖅᑲᓂᒃ ᑐᑭᓯᐅᒪᖃᑎᒌᒍᑎᖃᖅᐳᑦ ᑲᓇᑕᒥ ᐆᒻᒪᖅᑯᑎᓕᕆᔨᓂᑦ ᑲᑎᒪᔨᓂᑦ
  • ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᖅᑲᓂᒃ ᑐᑭᓯᐅᒪᖃᑎᒌᒍᑎᖃᖅᐳᑦ ᒪᑲᓐᓯ ᕚᓕᒥᑦ ᐊᕙᑎᓕᕆᓂᕐᒧᑦ ᐊᒃᑐᐃᓂᐅᔪᓄᑦ ᕿᒥᕐᕈᔨᓄᑦ ᑲᑎᒪᔨᖏᓐᓄᑦ
  • ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑎᑎᖅᑲᓂᒃ ᑐᑭᓯᐅᒪᖃᑎᒌᒍᑎᖃᖅᐳᑦ ᓄᓇᕕᖕᒥ ᐃᒪᕐᒥᐅᑕᓂᑦ ᐊᕕᒃᑐᖅᓯᒪᓂᐅᔪᒥᑦ ᐊᒃᑐᐃᓂᕐᒧᑦ ᕿᒥᕐᕈᔨᓄᑦ ᑲᑎᒪᔨᐅᔪᓂᑦ ᐊᒻᒪᓗ ᐄᔭᐅ ᐃᒪᕐᒥᐅᑕᓂᑦ ᐊᕕᒃᑐᖅᓯᒪᓂᐅᔪᒥᑦ ᐊᒃᑐᐃᓂᕐᒧᑦ ᕿᒥᕐᕈᔨᓄᑦ ᑲᑎᒪᔨᐅᔪᓂᑦ


ᖃᐅᔨᓴᕐᓂᖅ ᐱᓕᕆᐊᖑᔪᓂᒃ ᓄᓇᑖᕐᓂᐅᑉ ᓄᓇᕘᒻᒥ ᓯᓚᑖᓐᓂ ᓄᓇᒋᔭᐅᔪᓐᓂᒃ

ᐊᕕᒃᓯᒪᓂᖓ 12.11.1 ᓄᓇᕘᒻᒥ ᓄᓇᐅᑉ ᓇᖕᒥᓂᖅᑖᕆᔭᐅᓯᒪᔪᑉ ᐊᖏᕈᑎᖓᓂ ᐅᖃᐅᓯᖃᖅᐸᑦ ᖃᐅᔨᓴᕆᐊᓕᖕᒥᒃ ᐱᓕᕆᐊᕐᓕᒃ ᐊᓯᖏᓐᓄᑦ ᓄᓇᒋᔭᐅᔪᓐᓄᑦ ᐊᒃᑐᐃᓇᔭᕐᓂᖅᐸᓪᓗ: 

ᐊᕙᑎᓕᕆᔨᒃᑯᑦ ᑎᓕᔭᐅᓯᒪᒍᒥᒃ ᒐᕙᒪᓄᑦ ᐊᖏᖅᑕᐅᓯᒪᒍᒥᒡᓘᓐᓃᑦ ᒐᕙᒪᓐᓂᑦ, ᑎᒃᑯᐊᖅᑲᐅᓯᒪᔪᒻᒥᑦ ᑎᒥᐅᔪᒻᒥᑦ ᑐᒃᓯᕋᕐᕕᐅᒍᒻᒥᒃ ᐊᖏᕈᑎᑉ ᓄᓇᑖᕐᓂᐅᑉ ᓯᓚᑖᓐᓂ ᓄᓇᐅᔪᓐᓂᒃ ᐃᒃᐱᖕᓇᖅᑐᓂᒃ ᐃᓅᓯᕐᒧᓪᓗ ᐱᕙᓪᓕᐊᓂᕐᒧᓪᓗ ᐊᒃᑐᐃᓇᔭᕐᓂᖅᐸᑦ ᓄᓇᕘᒻᒥ ᐊᖏᕈᑎᑉ ᐃᓗᐊᓐᓂ ᓄᓇᖃᖅᑐᓄᑦ. 

ᑐᒃᓯᕋᖅᑐᖃᖅᓯᒪᒃᐸᑦ ᐊᕙᑎᓕᕆᔨᒃᑯᑦ ᖃᐅᔨᓴᖁᔭᐅᓗᓯᒃ ᐱᓕᕆᐊᖑᓂᐊᖅᑐᒥᒃ ᐱᔪᖕᓇᕐᓂᖃᕐᕕᖓᑕ ᓯᓚᑖᓐᓂ, ᐊᕙᑎᓕᕆᔨᒃᑯᑦ ᐱᓕᕆᖃᑎᖃᕆᐊᖃᖅᑐᑦ ᑎᒥᐅᔪᓐᓂᒃ ᑕᑉᑯᐊ ᓄᓇᓖᑦ ᐊᒃᑐᖅᑕᐅᓂᐊᖅᑐᑦ ᖃᓂᒋᔭᖓᓐᓂ.


ᒐᕙᒪᒃᑯᑦ ᐃᖏᕋᓂᖓᓐᓂᒃ ᑕᓯᐅᕐᓂᖅ

ᐊᑑᑎᖃᒻᒪᕆᒃᐳᖅ ᐃᓕᑕᖅᓯᓯᒪᓗᓂ ᐱᓕᕆᐊᒃᓴᐅᔪᓂᒃ ᐃᖏᕋᑎᑦᓯᑦᓯᐊᕐᓂᕐᒧᑦ ᖃᓂᑦᑐᓂᒃ ᐊᕕᒃᑐᖅᓯᒪᔪᓂᒃ ᓄᓇᒋᔭᐅᔪᓐᓂᒃ ᒐᕙᒪᓄᑦᑕᐅᖅ ᐊᒃᑐᐊᖕᒪᑕ. ᐊᕕᒃᓯᒪᓂᖓ 12.11.2 ᓄᓇᐅᑉ ᐊᖏᕈᑎᖓᓐᓂ ᐅᖃᖅᓯᒪᖕᒪᑦ ᐱᓕᕆᖃᑎᒌᖕᓂᖕᒥᒃ ᖃᐅᔨᓴᕐᓂᕐᒥᒃ ᐱᓕᕆᐊᖑᔪᓂᒃ ᐊᓯᖏᓐᓄᑦ ᓄᓇᓕᐅᔪᓐᓄᑦ ᐊᒃᑐᐊᔪᓐᓂᒃ:

ᑭᒡᓕᓕᕕᖏᑦ ᐊᔪᖅᑎᑕᐅᖏᓗᑎᒃ ᐊᕙᑎᓕᕆᔨᒃᑯᑦ ᐅᕙᓘᕙ EARP ᓇᓗᓇᐃᕐᓯᒪᔪᑦ ᐊᑯᒃᓯᒪᓂᖓᓂ, ᑲᓇᑕᐅᑉ ᒐᕙᒪᖏᑦ ᐊᒻᒪ ᓄᓇᕗᒻᒥ ᒐᕙᒪᒃᑯᑦ, ᐃᑲᔪᖅᑕᐅᓗᑎᒃ ᐊᕙᑎᓕᕆᔨᒃᑯᓐᓄᑦ, ᐊᑐᕐᓂᐊᖅᑐᑦ ᐊᔪᖏᓂᓗᒃᑖᒥᖕᓂᒃ ᐊᐃᕙᓂᕐᒥᒃ ᐊᖏᕈᑎᓂᒃ ᐱᓕᕆᖃᑎᖐᖕᓂᖕᒧᑦ ᖃᐅᔨᓴᕐᓂᕐᒥᒃ ᐱᓕᕆᐊᕐᓂᒃ ᐊᕕᒃᓯᒪᓂᕐᓂ ᑭᒡᓕᓕᑯᖕᓂᒃ ᐊᒃᑐᐃᓂᐊᖅᑐᓂᒃ ᓄᓇᖁᑎᖏᓐᓂᒡᓗ ᐃᓅᓯᖏᓐᓂᒃ ᐱᔭᓪᐊᓂᕐᒥᒡᓗ.