ᐱᓕᕆᐊᕆᔭᒃᓴᖏᑦ

need translationᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᓄᓇᑖᕐᓂᐅᑉ ᓄᓇᕘᒻᒥ ᐊᖏᕈᑎᑉ ᐃᓗᐊᓂ ᑎᒥᖑᖅᑎᑕᐅᓯᒪᔪᖅ ᐊᒃᑐᐃᓂᕐᓄᑦ ᐱᓕᕆᐊᖑᔪᒪᔪᑦ ᓄᓇᕘᒻᒥ ᐊᖏᕈᑎᑉ ᐃᓗᐊᓐᓂ ᓄᓇᐃᑦ ᐊᕕᒃᓯᒪᓂᖏᓐᓂ ᐱᓕᕆᐊᖃᕐᖢᓂ ᖃᐅᔨᓴᕐᓂᕐᒥᒃ ᐊᖏᖅᑕᐅᓂᖏᓐᓂᒡᓗ ᐱᓕᕆᐊᖑᔪᒪᔪᑦ. ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐅᑉᓗᒥᐅᔪᖅ ᖃᐅᔨᓴᕐᓂᕐᒥᒃ ᐊᑐᕐᖢᑎᒃ, ᐊᕙᑎᓕᕆᔨᒃᑯᑦ ᖃᐅᔨᓴᖅᐸᒃᑐᑦ ᐃᓅᓯᐅᑉ ᓄᓇᐅᑉ ᓂᕐᔪᑎᓪᓗ ᐊᒃᑐᒐᐅᓂᕆᓇᔭᖅᑕᖏᓐᓂᒃ ᐱᓕᕆᐊᖑᔪᒪᒧᒃᑯᑦ. ᐊᕙᑎᓕᕆᔨᒃᑯᑦ ᐋᕿᒃᓯᓯᒪᕗᑦ ᐱᓕᕆᐊᖑᔪᓂᒃ ᖃᐅᔨᓴᕐᓂᕐᒥᒃ ᓯᕗᓂᖓᓐᓂ ᐊᖏᖅᑕᐅᓯᒪᔪᑦ ᑲᔪᓯᖁᔭᐅᑉᓗᑎᒃ ᐊᕙᑎᓕᕆᔨᒃᑯᓐᓄᑦ.

ᐱᓕᕆᐊᕐᒥᖕᓂᒃ ᑲᔪᓯᑎᑦᓯᑎᓪᓗᒋᑦ, ᑐᕌᒐᕆᔭᖏᑦ ᐊᕙᑎᓕᕆᔨᒃᑯᑦ ᒥᐊᓂᖅᓯᓂᕐᒥᒃ ᐃᑲᔪᖅᑐᐃᓂᕐᒥᒡᓗ ᓯᕗᓂᒃᓴᖏᓐᓂᒃ ᓈᒻᒪᑎᐊᖅᑐᓂᒃ ᓄᓇᓕᖕᒥᐅᑦ ᐊᖏᕈᑎᑉ ᐃᓗᐊᓐᓂ ᓄᓇᖃᖅᑐᑦ, ᓄᓇᒥᒡᓗ ᐱᕈᖅᑐᕋᓗᖕᓂᒃ ᐱᐅᓂᖏᓐᓂᒡᓗ ᒥᐊᓂᖅᓯᔨᐅᑉᓗᑎᒃ ᓄᓇᕘ ᐃᓗᐊᓐᓂ. ᐊᕙᑎᓕᕆᔨᒃᑯᑦ ᐃᓱᒪᒋᔭᕆᐊᖃᖅᑕᖓᑦ ᖃᓄᐃᖏᑎᐊᕐᓂᖏᑦ ᑲᓇᑕᒻᒥᐅᑦ ᐊᖏᕈᑎᑉ ᐃᓗᐊᓐᓂ ᓄᓇᖃᖅᑐᑦ ᓯᓚᑖᓐᓂ.

ᐊᕙᑎᓕᕆᔨᒃᑯᑦ ᐱᓕᕆᐊᒃᓴᖃᖅᑎᑕᐅᓂᖓ ᐱᔪᖕᓇᕐᓂᖓᓪᓗ ᐊᕕᒃᓯᒪᓂᖓᓂ 12 ᓄᓇᕘᒻᒥ ᓄᓇᐅᑉ ᓇᖕᒥᓂᖅᑖᕆᔭᐅᓂᖓᑕ ᐊᖏᕈᑎᖓᓐᓂ ᐊᒻᒪ ᓄᓇᕘᒻᒥ ᐸᕐᓇᐃᕐᓂᕐᒧᑦ ᐱᓕᕆᐊᕐᓂᒡᓗ ᖃᐅᔨᓴᕐᓂᕐᒧᑦ ᐱᖁᔭᖅ.

ᐊᕙᑎᓕᕆᔨᒃᑯᑦ ᐱᓕᕆᐊᒃᓴᖏᑦ ᑐᑭᓯᓐᓇᖅᓯᑎᑕᐅᔪᖕᓇᖅᑐᑦ ᑐᕌᒐᕆᔭᖏᓪᓗ ᓄᓇᐅᑉ ᐊᖏᕈᑎᖓᓐᓂ ᑎᑎᕋᖅᓯᒪᔪᑦ ᐊᐃᕙᔪᑕᐅᑎᓪᓗᒍ:

  • ᓇᓗᓇᖏᑎᐊᖅᑐᒥᒃ ᑐᑭᓯᓐᓇᑎᐊᖅᑐᒥᒡᓗ ᐱᔪᖕᓇᕐᓂᕆᔭᐅᔪᓂᒃ ᓇᖕᒥᓂᖃᕐᓂᕐᒧᑦ ᐊᑐᕈᖕᓇᕐᓂᕐᒥᒡᓗ ᓄᓇᐅᔪᓐᓂᒃ ᓂᕐᔪᑎᓂᒡᓗ, ᐊᒻᒪ ᐃᓄᐃᑦ ᐱᔪᖕᓇᕐᓂᖏᓐᓂᒃ ᐃᓚᐅᓂᕐᒧᑦ ᐃᓱᒪᓕᐅᕐᓂᑯᑦ ᐊᑐᕈᑎᖏᓐᓄᑦ, ᒥᐊᓂᕆᔭᐅᓂᖏᓐᓄᑦ ᐱᖃᖅᑐᐃᓇᕐᓂᖏᓐᓄᓪᓗ ᓄᓇᐅᑉ, ᐃᒪᐅᑉᓗ ᐊᒻᒪ ᓂᕐᔪᑎᕋᓗᖕᓄᑦ ᐅᑯᐊ ᐃᓚᐅᑉᓗᒋᑦ;
  • ᐃᓄᐃᑦ ᐊᖑᓇᓱᒍᖕᓇᖁᑉᓗᒋᑦ ᐃᓚᐅᔪᖕᓇᖁᑉᓗᒋᓪᓗ ᐃᓱᒪᓕᐅᖃᑕᐅᓂᕐᒥᒃ ᓂᕐᔪᑎᑦ ᐱᑦᔪᑎᒋᑉᓗᒋᑦ;
  • ᐃᓄᐃᑦ ᐊᑭᓕᖅᑕᐅᔪᖕᓇᖁᑉᓗᒋᑦ ᐊᒻᒪ ᐃᓚᐅᔪᖕᓇᖁᑉᓗᒋᑦ ᐱᕙᓪᓕᐊᔪᖕᓇᕐᓂᕐᒥᒃ; ᐊᒻᒪ
  • ᐃᖕᒥᓂᒃ ᐃᖏᕋᓂᕐᒥᒃ ᐃᑲᔪᖅᑐᒐᐅᓂᖅ ᐃᓕᖁᓯᖏᑕᓗ ᖃᓄᐃᒋᑎᐊᕐᓂᖓᑕᓗ ᐃᓄᐃᑦ.

ᓱᓇᓂᒃ ᐊᕙᑎᓕᕆᔨᒃᑯᑦ ᐱᔪᖕᓇᕐᓂᖃᖅᑎᑕᐅᕙᑦ?

ᐊᕙᑎᓕᕆᔨᒃᑯᑦ ᖁ ᐱᔪᖕᓇᕐᓂᖃᖅᑎᑕᐅᔪᑦ ᐊᒃᑐᐃᓂᐅᔪᓂᒃ ᖃᐅᔨᓴᕐᓂᕐᒥᒃ ᐱᓕᕆᐊᖑᓱᐊᖅᑐᓂᒃ ᓄᓇᒥ ᐊᒻᒪ ᑕᕆᐅᒻᒥ ᓄᓇᕘᒻᒥ ᓄᓇᑖᕐᓂᐅᑉ ᐊᖏᕈᑎᖓᑕ ᐃᓗᐊᓐᓂᓯᐅᖅᑐᓂᒃ. ᐊᖏᕈᑎᑉ ᐃᓗᐊᓐᓂᓯᐅᖅᑐᑦ ᓗᓇᐃᑦ ᐊᖏᑎᒋᔪᑦ 2 ᒥᓕᔭᓐ ᑭᓛᒥᑐᔅ ᐊᒻᒪ ᑕᕆᐅᑉ ᓯᓂᖏᑦ ᓄᓇᑦᓯᐊᕐᒧᑦ, ᒫᓂᑑᐸᒧᑦ, ᓄᓇᕕᐅᑉ ᑕᕆᐅᖁᑎᖓᓐᓄᑦ, ᓂᐅᕙᐅᓛᓐᒧᑦ ᓛᐸᕋᑐᐊᒧᑦ ᐊᒻᒪ ᑲᓇᑕᐅᑉ ᑕᕆᐅᖓᑕ ᓯᓂᖏᓐᓄᑦ. ᐊᕙᑎᓕᕆᔨᒃᑯᑦ ᐱᔪᖕᓇᕐᓂᖃᕐᕕᖓ ᓯᓚᓪᓕᖅ ᓄᓇᒥᑦ ᓯᑯᑉ ᐱᐊᓚᔪᑦ ᑭᔨᓕᖃᕐᕕᖓᓐᓄᑦ ᕿᑭᖅᑖᓘᑉ ᑲᓇᖕᓇᖓᓄ ᑕᕆᐅᑉ ᑭᒡᓕᓕᕕᐅᑉ ᐅᖓᑖᓐᓄᑦ.

ᐃᒪᒃᑲᓂᕐᓗᒍ, ᐊᕙᑎᓕᕆᔨᒃᑯᑦ ᑐᒃᓯᕋᕈᖕᓇᖅᑐᑦ ᒐᕙᒪᓐᓂᑦ, ᐊᖏᖅᑕᐅᒃᐸᑕᓗ ᐃᓄᐃᑦ ᑎᒥᖏᓐᓄᑦ ᖃᐅᔨᓴᕈᖕᓇᖅᑐᑦ ᐱᓕᕆᔪᒪᔪᓂᒃ ᐊᖏᕈᑎᑉ ᓄᓇᕗᒻᒥ ᓯᓚᑖᓐᓂ ᑭᓯᐊᓂ ᐊᒃᑐᐃᓂᖃᕐᓂᐊᖅᐸᑕ ᐃᓅᓯᕐᒥ ᐱᕙᓪᓕᐊᓂᕐᒥᒡᓗ ᓄᓇᕗᒻᒥ ᓄᓇᐅᑉ ᓇᖕᒥᓂᑖᕆᔭᐅᓯᒪᔪᑉ ᐃᓗᐊᓂᓯᐅᖅᑐᓄᑦ.