ᓄᓇᕘᒻᒥ ᑕᕆᐅᕐᒥᐅᑕᓄᑦ ᑲᑎᒪᔨᑦ (NMC) ᓴᕿᑎᑕᐅᓚᐅᖅᑐᖅ ᐊᕕᒃᓯᒪᓂᖓ 15.4.1 ᓄᓇᕗᒻᒥ ᓄᓇᑕᕐᓂᕐᒧᑦ ᐊᖏᕈᒻᒥ (NLCA), ᐊᔪᖏᑎᑦᓯᔪᖅ ᓄᓇᕘᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᒃ, ᐃᒪᓕᕆᔨᓂᒃ ᓄᓇᕘᒻᒥ, ᐸᕐᓇᐃᔨᒃᑯᓐᓂᒃ ᓄᓇᕘᒻᒥ ᐊᒻᒪ ᐆᒪᔪᓕᕆᔨᕐᔪᐊᑯᓐᓂᒃ ᓄᓇᕘᒻᒥ, ᑲᑎᒪᑉᓗᑎᒃ ᓄᓇᕘᒻᒥ ᑕᕆᐅᕐᒥᐅᑕᓄᑦ ᑲᑎᒪᔩᑦ, ᑎᒥᐅᑉᓗᑎᒃ ᐅᖃᐅᔨᔪᖕᓇᖅᑐᑦ ᐊᑐᓕᖁᔭᒥᖕᓂᒃ ᐊᓯᖏᓐᓄᑦ ᒐᕙᒪᐃᑦ ᑎᒥᖏᓐᓄᑦ ᑕᕆᐅᕐᒥᐅᓂᒃ ᐆᒻᒪᔪᓂᒃ ᓄᓇᖁᑎᖏᓐᓂᒃ ᐊᖏᕈᑕᐅᓯᒪᔪᑉ ᓄᓇᕗᒻᒥ ᐃᓗᐊᓐᓂ. ᒐᕙᒪᒃᑯᑦ ᐃᓱᒪᓕᐅᕆᐊᖃᖅᑐᑦ ᐅᖃᐅᔭᐅᓯᒪᓂᕐᒥᖕᓂᒃ ᐊᒻᒪ ᐊᑐᓕᖁᔭᐅᔪᓂᒃ ᐃᓱᒪᓕᐅᕐᓂᕐᒥᖕᓂ ᐊᒃᑐᐃᓂᐊᖅᑐᓂᒃ ᑕᕆᐅᕐᒥᐅᑕᐃᑦ ᓄᓇᖁᑎᖏᓐᓂᒃ.  

ᓄᓇᕘᒻᒥ ᑕᕆᐅᕐᒥᐅᑕᓄᑦ ᑲᑎᒪᔨᑦ ᐱᓕᕆᐊᖏᑦ ᑲᔪᓯᔪᒻᒥᒃ ᒥᐊᓂᖅᓯᓂᕐᒥᒃ ᐊᑐᑦᓯᐊᖁᔨᓂᕐᒥᒡᓗ ᑕᕆᐅᕐᒥᐅᑕᐃᑦ ᓄᓇᖁᑎᖏᓐᓂᒃ ᐅᑭᐅᓐᓄᑦ ᐊᒥᓲᓂᖅᓴᓄᑦ ᐱᕙᓪᓕᖁᑉᓗᒋᑦ ᐃᓄᐃᑦ ᓄᓇᕗᒻᒥ ᐊᒻᒪ ᑲᓇᑕᒻᒥ, ᒪᓕᒃᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᓄᓇᕗᒻᒥ ᓄᓇᑕᕐᓂᐅᑉ ᐊᖏᕈᑎᖓᓐᓂᒃ.

ᐃᓕᑦᑎᒃᑲᓐᓂᕐᓂᕐᒧᑦ ᓄᓇᕗᒻᒥ ᐃᒪᓕᕆᔨᒃᑯᑦ ᑲᑎᒪᔨᖏᓐᓂ, ᐃᓂᒋᔭᖏᓐᓂ ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ, ᐊᑲᐅᙱᓕᐅᕈᑕᐅᔪᓂᒃ ᐊᒻᒪᓗ ᐃᖏᕐᕋᐃᓐᓇᖅᑐᓂ ᐱᒋᐊᕈᑕᐅᔪᓂᑦ ᐱᔾᔪᑎᖃᖅᑐᓂ ᐅᑭᐅᖅᑕᖅᑐᒧᑦ ᐃᒪᕐᒥᐅᑕᓂᑦ ᐃᓂᐅᔪᓄᑦ, ᐅᐸᒍᒃ ᓄᓇᕗᒻᒥ ᐃᒪᕐᒥᐅᑕᓄᑦ ᑲᑎᒪᔨᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓂ ᐅᕙᓂ www.nunavutmarinecouncil.com

ᐊᒥᓱᑦ ᑕᕆᐅᕐᒥᐅᑕᓂᒃ ᐃᓱᒫᓗᒍᑎᑦ ᐅᖃᐅᓯᐅᓚᐅᖅᑐᑦ ᐊᕙᑎᓕᕆᔨᒃᑯᑦ ᖃᐅᔨᓴᕐᓂᖏᓐᓂ ᑐᓂᔭᐅᔪᖕᓇᖅᑐᑦ ᐊᕙᑎᓕᕆᔨᒃᑯᓐᓂᑦ ᐃᓚᐅᔪᓐᓄᑦ ᐅᑯᓇᓐᓂ ᓄᓇᕘᒻᒥ ᑕᕆᐅᕐᒥᐅᑕᓄᑦ ᑲᑎᒪᔨᑦ ᐃᓱᒪᓕᐊᕆᔭᐅᖁᑉᓗᒋᑦ.