ᐊᔨᖑᐊᖑᓯᕕᒃ

ᐊᕙᑎᓕᕆᔨᒃᑯᑦ ᐃᓛᓐᓂᑯᑦ ᑐᓴᒐᒃᓴᓂᒃ ᓴᕿᑎᑦᓯᕙᒃᑐᑦ ᐃᓄᓗᒃᑖᓄᑦ ᑐᓴᖅᑕᐅᔭᕆᐊᓕᖕᓂᒃ, ᒪᓕᒐᓕᕆᓂᐅᑉ ᐋᕿᒋᐊᕈᑎᖏᓐᓂᒃ ᐱᓕᕆᐊᖑᔪᓐᓂᒃ ᐊᒻᒪ ᐊᓯᖏᓐᓂᒃ ᑐᓴᕈᒥᓇᖅᑐᓂᒃ ᐃᓄᖕᓄᑦ.  

ᐅᕙᖓ ᑕᑯᓱᐊᕈᕕᑦ ᑐᓴᒐᒃᓴᓂᒃ ᓴᕿᑕᐅᔪᓂᒃ ᖃᓄᐃᓕᐅᕈᑕᐅᓂᐊᖅᑐᓂᒡᓗ.

ᐊᔾᔨᑦ

ᐊᕙᑎᓕᕆᔨᒃᑯᑦ ᐃᖃᓇᐃᔭᖅᖏᓪᓗ ᐃᖏᕋᕙᒃᐳᑦ ᓄᓇᕘᓗᒃᑖᒻᒥ ᐊᓯᐊᓄᓪᓗ ᓄᓇᓕᐅᔪᓐᓄᑦ ᑲᑎᒪᑎᑦᓯᔭᖅᑐᕐᖢᑎᒃ, ᑐᓵᓂᕐᒥᒃ ᑲᑎᒪᔭᕐᑐᕐᖢᑎᒃ, ᐊᓯᖏᓐᓂᒡᓗ ᐱᓕᕆᑉᓗᑎᒃ ᐊᒥᓱᓂᒃ ᐃᓄᖕᓂᒃ ᑲᑎᓯᕙᒃᑐᑦ ᐊᒻᒪ ᐊᐅᓚᔨᓇᖅᑐᓂᒃ ᐅᖃᖃᑎᒌᒃᐸᒃᖢᑎᒃ. ᐃᓚᖏᓪᓗ ᑲᑎᒪᔨᑦ ᐃᖃᓇᐃᔭᖅᑎᓪᓗ ᐊᔨᓕᐅᕆᓂᕐᒥᒃ ᐊᔪᖏᑎᐊᕐᒪᑕ ᑲᑎᒪᔭᖅᑐᖅᑎᓪᓗᒋᑦ ᐊᔨᓂᒃ ᐱᐅᔪᓐᓂᒃ ᓴᕿᑎᕙᒃᑐᑦ.

ᐅᕙᖓᑦ ᐊᔾᔨᓂᒃ ᑕᑯᔪᖕᓇᖅᐳᑎᑦ ᐊᕙᑎᓕᕆᔨᒃᑯᑦ ᓱᓗᕿᑎᑦᓯᓂᖏᓐᓂᒃ

ᑕᕆᔭᐅᑎᑦ

ᐱᓂᓗᒃᖢᑎᒃ ᑕᒪᐃᓐᓂᒃ ᑭᑐᓗᒃᑖᓄᓪᓗ ᓈᒻᒪᒋᔭᐅᔪᒻᒥᒃ ᑕᐃᑉᓱᒪᓂ ᐱᒋᐊᕐᒪᑕ ᑲᑎᖅᓱᐃᓂᕐᒥᒃ ᖃᐅᔨᓴᕈᑕᐅᓚᐅᖅᑐᓂᒃ ᑭᑐᓗᒃᑖᓄᑦ ᑕᑯᔭᐅᔪᖕᓇᖅᑐᓂᒃ, ᐊᕙᑎᓕᕆᔨᒃᑯᑦ ᐃᓛᓐᓂᑯᑦ ᑕᕆᔭᐅᓯᐅᖅᐸᒃᐳᑦ ᐃᓄᓗᒃᑖᓂᒃ ᑲᑎᒪᑎᑦᓯᓂᕐᒥᖕᓂ ᐊᓯᖏᓐᓂᓗ ᖃᓄᐃᓕᐅᕈᑕᐅᔪᓐᓂ. ᑭᓯᐊᓐᓂ, ᐊᕙᑎᓕᕆᔨᒃᑯᑦ ᐅᐱᒍᓱᒃᑐᑦ ᐃᓚᐅᔪᓗᒃᑖᑦ ᑲᑎᒪᓂᕐᓂ ᑐᓵᓂᕐᓂᓗ ᐱᔪᒪᓱᐃᑦᑑᖕᒪᑕ ᐊᒻᒪ ᐃᓚᐅᓂᕐᒥᒃ ᐊᔪᕈᑎᖃᔪᖕᒪᑕ, ᑕᐃᒻᒪ ᐊᔨᓕᐅᕆᓂᖅ ᐊᓯᖏᓐᓂᒃ ᐃᔅᖢᐃᔪᑕᐅᔭᕆᐊᖃᖏᓚᖅ.    

ᐊᕙᑎᓕᕆᔨᒃᑯᑦ ᐃᓛᓐᓂᑯᑦ ᑐᓴᒐᒃᓴᓂᒃ ᓴᕿᑎᑦᓯᕙᒃᐳᑦ ᖃᕆᑕᐅᔭᒃᑯᑦ ᐊᔨᓕᐅᖅᓯᒪᔪᓐᓂᒃ ᐊᑐᕐᓗᑎᒃ.  

ᐊᔨᓕᐅᖅᑕᐅᓂᑯᑦ ᐊᕙᑎᓕᕆᔨᒃᑯᓐᓂᑦ ᐃᓄᓗᒃᑖᖅᑎᑦᓯᓂᖏᓐᓂᒃ ᑐᓵᓂᖏᓐᓂᒡᓗ ᐃᓚᐅᓕᕐᓂᐊᖅᐳᑦ ᖃᕆᑕᐅᔭᒻᒧᑦ ᐱᑕᖃᓕᕌᖓᑦ.

ᓂᐱᓕᐅᕐᓂᖅ

ᐊᕙᑎᓕᕆᔨᒃᑯᑦ ᐃᓕᑕᖅᓯᓯᒪᕗᖅ ᐊᑐᕐᓂᖓᓐᓂᒃ ᓄᓇᓕᖕᓂ ᓈᓚᐅᑎᖃᕐᕖᑦ ᑐᓴᐅᒪᑎᑦᓯᕙᒃᖢᑎᒃ ᓄᓇᕘᒻᒥ ᓄᓇᓕᖕᓂ, ᐊᒻᒪ ᐃᓛᓐᓂᑯᑦ ᐊᕙᑎᓕᕆᔨᒃᑯᑦ ᐊᖏᖅᓯᒪᕙᒃᐳᑦ ᐊᓯᖏᓐᓂᒃ ᓂᐱᓕᐅᕆᑎᑦᓯᑉᓗᑎᒃ ᑲᑎᒪᕐᔪᐊᕐᓂᕐᓂ ᑐᓵᔭᐅᔪᒃᓴᐅᓂᐊᕐᓗᑎᒃ ᐃᓄᓗᒃᑖᓐᓄᑦ ᐊᒻᒪ ᓄᓇᓕᖕᓂ ᓈᓚᐅᑎᐊᓛᒃᑯᑦ ᖃᕆᑕᐅᔭᒃᑯᓪᓗ. ᐊᕙᑎᓕᕆᔨᒃᑯᑦ ᐃᓛᓐᓂᑯᑦ ᑐᓴᒐᒃᓴᓂᒃ ᓂᐱᓕᐅᖅᓯᒪᓗᑎᒃ ᐃᓕᓯᕙᒃᐳᑦ ᖃᕆᑕᐅᔭᒃᑯᑦ.  

ᓂᐱᓕᐅᕐᓂᑯᑦ ᐊᕙᑎᓕᕆᔨᒃᑯᑦ ᐃᓄᓗᒃᑖᓂᒃ ᑲᑎᒪᑎᑦᓯᓂᖏᓐᓂ ᑐᓵᓐᓂᖏᓐᓂᓗ ᐊᓯᖏᓐᓄᑦ ᐃᓚᐅᓂᐊᖅᑐᑦ ᑐᓴᒐᒃᓴᓄᑦ ᐃᓕᔭᐅᔪᖕᓇᖅᐳᑦ ᖃᕆᑕᐅᔭᒧᑦ ᐱᑕᖃᓕᕌᖓᑦ.