Naunaitkutat ahiillu ihuaqutait titiraaghat tuniyauhimayut talvunga Nunavunmi Avatiliqiyit Katimayiinut ahinit ilauyunit ilaunngittut havaaghanuinnaq qauyihautinik (piinnarialgit inuit titiraqviinit) takupkaqtitauniat hamani taimaa Nunavunmiut takuyaghait, Kanatamiullu, ahinullu ilauyunut ilittuqhiyumayunik.

 

“Aviktuqhimayunit-Tamaat Qauyihaiyut Aulapkaiyullu Katimayiit Katimaviat Naunaitkutait” titiraqtauhimayuq taapkuninnga Stratos Inc.-kut, January 28-mi, 2016-mi

    January 14-15-milu, 2016-mi, taapkua Kaniitian Manighiurutighaliuqtut Havakviat – Ukiuqtaqtumi Havaaghanik Atannguyait Havakviat (CanNor) katimapkaihimayut Aviktuqhimayunit-Tamaat Qauyihaiyut Aulapkaiyullu Katimayiinik. Katimapkaihimayut katitiriyumaplutik, hivulliuplunilu, kivgaqtinik tamangnit avatiliqiyit qauyihaqtiinik aulapkaiyiniklu (laisiniktittiyut/piinnarianiktittiyullu) katimayiinik Ukiuqtaqtumi Aviktuqhimayuni tamaat unipkaarumaplugit ayuqhautigiliqpagait havaqatigiikvighainiklu atauttikkut ihuaqhainahuaqhutik ayuqhautiinik. Una naunaitkutaq ilittuqhitiuyuq katimavighainik, takupkaqtitaghainik unipkaaqtaghainiklu, naunaiqhitiplunilu qanuriningaanik katimaviinik.
    Qablunaatitut

“Aviktuqhimayunit-Tamaat Avatinik Qauyihaiyit Aulapkaiyillu Katimayiit Katimavianit Kingulliqpaanit Naunaitkutat” titiraqtauhimayuq taapkuninnga Stratos Inc., November 28-mi, 2016

    October 11-12-milu, 2016-mi, taapkua Kaniitian Manighiurutighaliuqtut Havakviat – Ukiuqtaqtumi Havaaghanik Atannguyait Havakviat (CanNor) katimapkaihimayut tuklianik Aviktuqhimayunit-Tamaat Avatinik Qauyihaiyit Aulapkaiyillu Katimayiit Katimaviat (taamna Katimaviat). Katimapkaivangniat Katimapkaiyumaplutiku ukiuq tamaat katimapkaiplugit kivgaqtiuyut tamangnit qauyihaiyunit aulapkaiyuniklu katimayiinik Ukiuqtaqtumi unipkaariami ayuqhautainik ihuaqhautighaqhiuqlutiklu imaalu havaqatigiighutik ihuaqhainahuaqhutik hapkuninnga ayuqhautinik ilittuqhitilutiklu ihuaqhautainik. Una naunaitkutaq ilittuqhitiuyuq katimavighainik, takupkaqtitaghainik unipkaaqtaghainiklu, naunaiqhitiplunilu qanuriningaanik katimaviinik.
    Qablunaatitut

“Ikkuaqtiuyut Qauyihaiyunik Inuit Aanniaqtailiniqmut Ihuilutinik Avatiliqiyit Qauyihaiplutik: Anurim Qanurininga” iniqtauhimayuq Aanniaqtuliqiyinit Kanatami, December 2016-mi

    Una titiraq ikkuaqtuutauyuq naahurinnaqtunik aanniarutinik anurim qanuriningaanit kavamatuqatkut avatinik qauyihaiyunit (EA) taapkuninnga tughirautauyunik pivighaqhiuqtunit hanayunillu (taapkuatut uyaraghiuqvingnik, haputiliuqhimayunik, tuqhuarnik ahiniklu havaaghanik). Maligaghanik ilittuqhitiuyuq, tajja havauhiqnik naunaitkutaniklu Aanniaqtuliqiyit Kanatami qiniqpagait ihivriuqhigaangamik ihuilutinut uqauhiqnik (EIS) ahiniklu naunaitkutanik tuniyauhimayut havakvingnik ilauplutik EA-nut havauhiinut.
    Qablunaatitut
    Uivititut

“Ikkuaqtiuyut Qauyihaiyunik Inuit Aanniaqtailiniqmut Ihuilutinik Avatiliqiyit Qauyihaiplutik: Nipi” iniqtauhimayuq Aanniaqtuliqiyinit Kanatami, January 2017-mi

    Una titiraq ikkuaqtuutigiyauyuq naahurinnaqtunik aanniarutinik nipituyunit/qanurittuniklu nipinik kavamatuqatkut avatinik qauyihaiyunit (EA) taapkuninnga tughirautauyunik pivighaqhiuqtunit hanayunillu.
    Qablunaatitut
    Uivititut

“Ikkuaqtiuyut Qauyihaiyunik Inuit Aanniaqtailiniqmut Ihuilutinik Avatiliqiyit Qauyihaiplutik: Uutiqnaqtunit Ihuilutit” iniqtauhimayuq Aanniaqtuliqiyinit Kanatami, January 2017-mi

    Una titiraq ikkuaqtuutauyuq naahurinnaqtunik aanniarutinik uutiqnaqtunit kavamatuqatkut avatinik qauyihaiyunit (EA) havaaghalluanit uyaraghiuqtunit hanayunillu.
    Qablunaatitut
    Uivititut

“Ikkuaqtiuyut Qauyihaiyunik Inuit Aanniaqtailiniqmut Ihuilutinik Avatiliqiyit Qauyihaiplutik: Imautit Ulapqiyullu Imaqnit Qanurininga” iniqtauhimayuq Aanniaqtuliqiyinit Kanatami, December 2016-mi

    Una titiraq ikkuaqtuutauyuq naahurinnaqtunik aanniarutinik immap qanuriningaanit kavamatuqatkut avatinik qauyihaiyunik (EA) tughirautauyunit havaaghalluanit hanayunillu.
    Qablunaatitut
    Uivititut