Havaarinikkut


Nunavunmi Avatilirinirmut Katimayit Pilirivikhanut
Naunaitkutikhaat  (Qiqailruq  2014)

Tadja Hulidjutikhait

Hamna atuagautiyangit haffuminngat Nunavut Avatilirinirmut Katimayit (NIRB) pinahuariaqaqtangit amigaittunik nalaumattiaqtunit ilagiyauyut ihumagiyangit iluani kiglinganit akikhanit ihuaqtumik illirinahuarlugillu inuqanngittut tadja atuqhimayumi inikhautikhait nalaumayunit havaariyakhat uuminngaluniit havaquilugit nalaumayunit havaariyakhanut piyumayaukpat. Una NIRB tunihimayangit hivuanut ihumaliugainit havaakhaqhiurnigut nalaumayunit nunaqaqaaqhimayunut haffuminngat Nunavut Nunatarutata Angirutit hivulliuluni, unalu Nunavunmiuyut tugliuyut. Aulattitidjutinut taimaa ihumagiyangit nunaqaqaaqhimayunut uuminngaluniit Nunavunmiuyut nunaqaqtut tutqingnaqtumik nalunaigiaqaqtut inmikkut nunaqaqaaqhutik uuminngaluniit Nunavunmiuyut nunaqaqtut titirariaqaqtut, unalu ikayuqhimayut nunaqaqaaqhimayunut nunaqaqtunilluniit ilitquhianit taimaa pidjutigilaaqtangit naunaiyariiqhimayunit NIRB’kkunnit.

Tamaat titiraqhimayangit ilaunahuaqtunut, katimadjutiniit, ihivriuqtangit ihumaliuqtakhangillu taimaa pihimaniaqtangit tutquumalugit haffuminngat NIRB’kkut malrurnik (2) ukiunganit. Una NIRB angiqhimaniaqtangit piyumanngittangit havakhiuqtum nalunaitkutaat naunaitkutaat inungnit piyumayunut ihumaliuqtangit hivunikhanut havaanut.

Atuqtakhat turaarvigiinnarialik hamunga NIRB’kkut qaritauyam turaarutaanut uvunga: humanresources@nirb.ca


Havaatigut Tukiliutaat

Una Nunavunmi Avatilirinirmut Katimayit  (NIRB) amiqhivaktut nutaannguqattaqtangit havaatigut tukiliutaat tamainnut havaktingit inikhautait. Tamait havaatigut tukiliutait tiliuqhimayut hivunikhautait havaat inikhautait, unalu ilagihimayangit hulidjuhikhat kiuvikhangillu, unalu maligiaqaqtangit ikaarutikhat. 

Una NIRB ilitarihimayangit havaktingit ilauhimayut ikayuqattarialik akturnahuarnigut Katimayiita hivunikhautainit.  Havaktiit NIRB’kkunnit ilaliutauvaktut amihuryuanit hulivikhainit havaatigut naammagiyamingnit, inmikkut inuuhittiarnikkut havaatigullu ayuiqhainikkut. Ilihaqhimayut ihumagiyangit hivunikhautikhamut havagumayut avatilirinikkut ihivriuqhinikkut pitquyauyut hivayaqhimalugit NIRB’kkunnut haffuminngat auyami ilihaqhimayut havaatigut, havakhimmaarnikkut ilihautihimmaaqhimayut hulidjutikhanit.

 

Auyami Ilihaqtut
Hamna malikhiayangit aulattitiyuq Atannguyaq, Turaarutikhatigut, Auyami Ilihaqtut kiugiaqaqhutik ilagigiaqaqtut titiqqaitigut aulattitinikkut ikayuutikhat ukuninngat Qauyihainikkut Ikayuutikhat Pilirivvingit, unalu aahiit huliyakhautikhat titirariiqhimayunit.

Titiraqti/Hivayautinut Kiuliqiyi
Unipkaaqattaqtuq Aulapkaiyinut, Maniliqiyinut Aulattitinirnut, una Titiraqti/Hivayautinut Kiuliqiyi kiuqattaqhimayuq havaaqaqhuni titiraqtiunikkut, aulattitinikkut kavamaliqinikkut ikayuutikkut.

Qauyiharnikkut Kiuliriyi Ikayuqtinga
Kiuqattaqtangit Aulapkaiyinut, Qauyiharnikkut Ikayuutit, una Qauyiharnikkut Kiuliriyi Ikayuqtinga ikayuqpagaat ukuninngat avatingnut aktuqtauningit qauyihaqhimayut haffuminngat tukhiqhimayangit havaariyakhaat tamainnut Nunavunmi Nunataarviup Iluani unalu amiqhidjutinut piliriakhait pilihaaqhimayut kiuhimagamik haffuminngat Nunavunmi Avatilirinirmut Katimayiit Havaariyakhanut Ilitaridjutit unalu Nakuutqiyahiurnikkut Ihumaliuqtangit Unipkaaqhimayut.

Avatiliqinikkut Amiqhaiyi
Naunaipkaiyuq Aulapkaiyinut, Qauyihainirnut Ikayuutit, amiriyauvlutiktauq Atannguyaq, Qauyihainiq Aulapkaiyi, Avatingnut Aulapkaiyit ikayuqtangit aittuqtauvlutik tuniyauvlutik haffuminngat tukhiutiniq havaariyakhanut, aulattitivlutik hivulliqpaani turaarutaanit iluani aktuqtaunianut ihivriuqhiyut pivalliayakhat ilaliutigivlugit naunaiyaivlutik aulapkaivlutik tukhiutihimayait, amirivlugittauq naunaiyainingit avatingnut ihivriurnigut mikhaagut.

Atannguyaq Maniliqiniq Amiqhaiyi
Naunaipkaiyuq Aulapkaiyinut, Maniliqinirmut Amiqhaiyunut, una Hivulliqaam Maniliqinirnut Piliriyi kiugiaqaqtuq ilaliutihimavkhuni ubluq tamaat maniliqinikkut ihuaqhaiyut, maniliqiniit, havaktuliqiniit tamainnut aulattitiyunit ukuninngat Nunavunmi Avatiliqinirnut Katimayiit.

GIS Qauyihaiyi
Naunaipkaivaktuq Aulapkaiyinut, Qauyihainirnut Ikayuutit, una GIS Qauyihaiyi pivallianiaqtuq amiqhainiaqhunilu Nunavunmi Avatilirinirnut Katimayiit Nunauyaliqinikkut Naunaiyaiyut (GIS) qaritauyanut iliuraivluni nunauyait ilagihimayangit ukuninngat aktuqtaunianut ihivriuqhiyut.

Uqaqtiuyut / Numiktiriyi
Naunaipkaivaktuq uvunga Hivulliqpaam Aulapkaiyinut, una kivgaqtiuvluni amiqhaivlunilu ilaliutauvluni ilihimattiaqtunit Inuktitut/Inuinnaqtun-Qblunaatitullu uqaqtiuningit/numikirinirnillu uvunga Nunavunmi Avatilirinirnut Katimayiinut.

Atannguyaq, Qauyihainikkut Aulattitiniq
Naunaipkaivaktuq Aulapkaiyinut, Qauyihainikkut Ikayuuhiat, una Atannguyaq, Qauyihainikkut Aulattitinirnut kiugiaqaqtuq amiqhaivakhuni ubluq tamaat amiqhainikkut haffuminngat qaritauyakkut unalu adjiliuqhimayangit kitunuliqaak titiqqainikkut ilaliutauhimayut aulattitiyut ilagihimayangit ukuninngat NIRB’kkut ihivriuqhimaningit. Una Atannguyaq, Qauyihainikkut Aulapkainirnut kiugiaqaqtuq haffuminngat turaarialik amiqhaiyinut haffuminngat Avatingnut Aulattitiyut, amiqhaivlutik itiqattaqtut aniqattaqtunillu turaarutaanit haffuminngat Qauyihainikkut Ikayuuhiat havakviat, turaaqhimavlugillu tukhiqhimayangit amiqhaiyunillu naunainikkut turaaqattaqtangit haffuminngat mikhaagut Nakuutqiyahiurnikkut Ihivriuqattaqtangit ihivriurningit Amiqhaiqattaqtangit havaakhat.

Atannguyaq, Turaarvinut
Naunaipkaivaktuq Hivulliqpaam Aulapkaiyinut, Atannguyaq Turaarvinut kiugiaqaqtuq aulapkaivaktuq turaarviniit haffuminngat Nunavunmi Avatilirinirnut Katimayiit pivallianingit, hulidjuhiat, unalu ihumaliuqhimayangit Kavamanut, Inuit timiuyunut, nunalingnit timiuyunut unalu tamainnut kitunuliqaak naunairumayunut.

Qauyihainikkut Amiqhaiyi
Naunaipkaivaktuq Aulapkaiyinut, Qauyihainikkut Ikayuutit, unalu Qauyihainikkut Amiqhaiyi malikhimavakhuni avatilirinirnut ihivriuqtamingit haffuminngat tukhiutihimayangit havagluaqhimayangit tamainnut Nunavut Nunatarviup Iluani pilihiaaqhimayangillu amiqhaivlutik piliriakhat naunaihimayut haffuminngat Nunavunmi Avatilirinirnut Kayimayiit havaariyangit ilitaridjutauyut tunihimayangit malikhuniuk ihivriuqtaarningit havaariyakhanut tukhiuniniit.

Angayuqaam Qauyihainikkut Kiuliriyi
Naunaipkaivaktuq Aulapkaiyinut, Qauyihainikkut Ikayuutit, una Angayuqaam Qauyihainikkut Kiuliriyi amiqhaivaktuq avatilirinirnut ihivriurningit haffuminngat tukhiutihimayangit havagluaqtakhait tamainnut Nunavut Nunatarviup Iluani pilihaaqhimavlutiktauq amiqhainikkut piliriakhat kiuyakhaat haffuminngat Nunavunmi Avatilirinirnut Katimayiit havaariyakhaat ilitaridjutit turaaqhimayangit malikhugu ihivriuriangani haffuminngat tukhiutiniit havaariyakhaat. Una Angayuqaam Qauyihainikkut Kiuliriyi kiugiaqaqhuni ilaliutiyakhaat ikayuuhiat Aulapkaiyinut, Qauyihainikkut Ikayuutit ihivriuqhiniit amiriyangillu haffuminngat havaamingnut havaariyakhait ukuninngat havalihaaqtunut kiugiaqaqqat.

Aulapkaiyi, Maniliqinikkut Amiqhaiyilu
Naunaipkavaktuq uvunga Angayuqaam Aulapkaiyi, maniliqinikkut unalu havaktuliqinikkut ikayuqtut ukuninngat Nunavunmi Avatilirinikkut Katimayiit taimaattauq atauttimuuqhutik nalaumayunit maligautinut, maliguarutainit, nakuuyumik maniliqinikkut/nanminiriyangillu havaangit, atuagait unalu havaktukhait unalu manngit ilaudjutiyut unipkaaqhimalutik kiugiaqaqqat.

Aulapkaiyi, Qauyihainikkut Ikayuutit
Naunaipkaivaktuq uvunga Angayuqaam Aulapkaiyi, Aulapkaiyi, Qauyihainikkut Ikayuutit hivulliqtiuyut avatingnut aktuqtaunianut ihivriuqhiyut piliriakhat tamainnut havaariiyakhait turaaqtauhimayut ukuninngat Nunavut Avatililirinirnut Katimayit malikhugu Nakataq 12 haffuminngat Nunavut Nunataarutata Angirutit.

Hivulliqpaam Aulapkaiyi
Naunaipkaivaktuq ukununga Ikhivautalingnut Katimayiinit, una Hivulliqpaam Aulapkaiyi amiqhaivaktuq ilaliutigiaqaqhuni aulavikhainit, hivuliqtiuvlunilu aturaarnaqtunik amiqhainirnit aulattitiyunit kiuvikhait, aulavikhainillu ihumaliugangillu ukununngat Katimayiit haffuminngat Nunavut Avatilirinirnut Katimayit.