ᑕᐃᑲᓂ 2012-13−ᒥ ᑮᓇᐅᔭᓕᕆᓂᕐᒧᑦ ᐊᕐᕌᒍᒥᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ (NIRB) ᐱᕙᓪᓕᐊᑎᑦᑎᓚᐅᖅᐳᑦ ᒪᕐᕈᐃᖅᓱᓕᕐᓂᖓᓂ ᐊᕐᕌᒍᓄᑦ ᑕᓪᓕᒪᓄᑦ ᐱᓕᕆᔾᔪᑎᓄᑦ ᐸᕐᓇᐅᑎᒥᒃ, ᐊᑐᓕᓚᐅᖅᑐᒥᒃ ᐊᐃᑉᕆᓕ 1, 2013-ᒥ ᐊᒻᒪᓗ ᑭᐅᓪᓗᓂ ᐱᓕᕆᓂᐅᔪᓂᒃ ᐊᐅᓚᑕᐅᓂᖏᓐᓂ 2013-2017-ᒧᑦ. ᓄᓇᕗᑦ ᐊᕙᑎᓕᕆᓂᕐᒥ ᑲᑎᒪᔨᖏᓐᓄᑦ ᐱᓕᕆᔾᔪᑎᓄᑦ ᐸᕐᓇᐅᑎᖓ ᑐᓂᓯᕗᖅ ᑕᒪᐃᑎᒎᖅᑐᒥᒃ ᓇᐃᒡᓕᒋᐊᖅᓯᒪᔪᒥᒃ ᑲᑎᒪᔨᒃᑯᑦ ᐱᓕᕆᐊᒃᓴᕆᔭᖏᓐᓂ ᐊᐅᓚᓂᖏᓐᓂ ᐊᒻᒪᓗ ᐱᔭᒃᓴᖏᓐᓂ, ᓴᖅᑭᑎᑦᑎᓪᓗᓂ ᑐᕌᒐᒃᓴᐅᔪᓂ ᑲᑐᔾᔨᖃᑎᒡᒋᖑᔪᓄᑦ, ᐃᓚᖃᖅᖢᓂ ᐃᓂᐅᔪᓂᒃ ᑐᕌᒐᕆᔭᐅᔪᓂ ᐱᐅᓯᒋᐊᖅᑕᐅᓂᖏᓐᓄᑦ ᐅᕝᕙᓘᓐᓃᑦ ᐱᕙᓪᓕᐊᑎᑕᐅᒃᑲᓐᓂᕐᓂᖏᓐᓂ ᐊᒻᒪᓗ ᐃᓚᒋᔭᖏᓐᓂ ᑮᓇᐅᔭᖃᖅᑎᑕᐅᓂᕐᒧᑦ ᐱᔭᕆᐊᓕᖕᓂ ᐊᕐᕌᒍᓄᑦ ᑕᓪᓕᒪᓄᑦ ᐊᑯᓂᐅᓂᐅᔪᒥᑦ.

ᐱᓕᕆᕝᕕᐅᓪᓗᓂ ᐃᓄᓕᒫᓄᑦ ᒐᕙᒪᒃᑯᓐᓂ ᓴᖅᑭᑕᐅᔪᒥ ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᒧᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᔾᔨᐅᙱᖦᖢᓂ ᑲᑐᔾᔨᖃᑎᒌᖑᕗᖅ ᐱᒻᒪᕆᐅᔪᒥᒃ ᐱᓕᕆᐊᒃᓴᕆᔭᐅᓂᑦ ᐱᓕᕆᔭᕆᐊᓕᖕᒥᓂᑦ. ᑕᒪᓐᓇ ᐱᓕᕆᔾᔪᑎᓄᑦ ᐸᕐᓇᐅᑎ ᐋᖅᑭᒃᓱᐃᕗᖅ ᐊᖏᔪᓂᒃ ᑐᕌᒐᒃᓴᐅᔪᓂᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᑎᑭᑉᐸᓪᓕᐊᔪᓄᑦ ᐊᕐᕌᒍᓄᑦ ᑕᓪᓕᒪᓄᑦ, ᐊᒻᒪᓗ ᐃᓚᖃᖅᐳᖅ ᐊᐅᓚᓂᕆᔭᖏᓐᓂ ᐊᕐᕌᒍᑕᒫᒧᑦ ᓄᑖᙳᕆᐊᖅᑎᑦᑎᓂᕐᒧᑦ ᐊᒻᒪᓗ ᐅᓂᒃᑳᒐᔪᖕᓂᖏᓐᓂ ᐃᖏᕐᕋᓂᐅᔪᓄᑦ ᐅᕘᓇ ᐃᓄᓕᒫᓄᑦ ᓴᖅᑭᑎᑕᐅᓂᐅᔪᓄᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᐊᕐᕌᒍᑕᒫᑦ ᐅᓂᒃᑳᓕᐊᖓᓐᓂᑦ ᐊᒻᒪᓗ ᖃᐅᔨᓴᖅᑕᐅᓯᒪᔪᓂ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐊᓂᑦ.

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᕐᕌᒍᓄᑦ ᑕᓪᓕᒪᓄᑦ ᐱᓕᕆᔾᔪᑎᓄᑦ ᐸᕐᓇᐅᑎᖓ: ᖃᕋᓴᐅᔭᒃᑰᖅᑎᓪᓗᒍ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ 2013-2017 ᐱᓕᕆᔾᔪᑎᓄᑦ ᐸᕐᓇᐅᑎᖓ